الأحد، 28 سبتمبر، 2008

يا ترى وينچ؟!!

ليش اللحظات السعيدة تمر بسرعة، واذا ناديناها ما ترد علينا وتكمل في طريجها

ليش الاكلة الحلوة طعمها ما يضل في حلج البني ادم

ليش العيد مو مثل اول

لييييش محد يعطيييني عيدية !!!

تذكرون اخر مرة حصلتوا عيدية؟ ما اقصد الحريم؟

لأن العيدية بالنسبة لهم مستمرة وما تتوقف مع زيادة العمر!

مادري! يمكنهم دافعين اشتراكات حق التأمينات!

احنا يالشباب، الي صرفنا عيادينا على الخرابيط!

تذكرون قبل "نحن والاطفال"     لوووول

تقول الواحد چنه اول مرة يطلب من أمازون ، اششششخط بالڤيزا     لووووول

ايام وراحت! وما راح ترجع!

عيديتي! يا ترى وينچ؟!...

.......

مستوحى من موضوع 7anna7inno

هناك 5 تعليقات:

3bady يقول...

عيديتك اهي زوارك الي ترسم الضحكة على شفاتهم :))

Funny Q8i يقول...

لا بالله صدقت!

يايك العيد، اذا يولك اليهال قوللهم بقول لكم نكته! شوووووف شنو ييقوولووون لك!

لووووووووووووووووووووول

Mai يقول...

لووووووووووول نحن و الأطفال !!!

شخباري !! أبيه انا كنت اشتري بالعيادي
stickers
أبيه هبال LOOL

Funny Q8i يقول...

اتغشمر! زواري على راسي :)

Funny Q8i يقول...

mai

خلاص انا اسوي ستكرات Funny Q8i
وابيعچ الستكر بربع

لووووووووول

إرسال تعليق

تعليقك يهمني، بس تكفه لا تكسر مياديفي :)