الأربعاء، 31 ديسمبر 2008
البوس كاست الرابع، ما بغى يخلص!
الخميس، 18 ديسمبر 2008
بان كيك Free!!
الأربعاء، 17 ديسمبر 2008
عين وحدة ماتصفق!
الخميس، 11 ديسمبر 2008
ما چذَّب خبر p;
بان كيك خالي الدسم هم يمتن p;
الأربعاء، 10 ديسمبر 2008
قطاوة أجار للتملك!
الاثنين، 8 ديسمبر 2008
ڤيڤا اخيراً
ڤيڤا المطار
الأحد، 7 ديسمبر 2008
بركات اليوم المفتوح!
هذيلا مو ابراج الكويت!
من طول الغيبات، ياب الغنايم، هذي الصورة من الاسبوع الماضي، اذا تبي تدري وين تروح
طقيت 3 ولو في نوع رابع جان ربعتها، مزاجي ارتفع مع رفعت السكر
يا ريت لو الزواج نفس البريد، على كيفك تاكل وتستانس وتنوع بالحلال
لو يحصل لي اربع بنفس الوقت ماقول لأ، اقصد البريد يعني
كلنا نبي ننوع "البريد" مووو؟
السبت، 6 ديسمبر 2008
عيش اللخبطه مع ڤيڤا!!
الجمعة، 5 ديسمبر 2008
الخميس، 4 ديسمبر 2008
حيلهم بينهم!
الأربعاء، 3 ديسمبر 2008
خلطبيطه!
آرائكم ومقترحاتكم بالنسبه حق البوس كاست
تحويشة العمر بهالسلندر!
الثلاثاء، 25 نوفمبر 2008
تحبه اكثر ولا الله؟!
قبل لا اسويها سالفه قلت استشير ولا خاب من استشار
كنت بمكدونالدز بمنطقة السلام، وكنت ناطر سندويجتي الخاصة كالعادة تطول!، وشدني شكل الرسومات والكتابه الهيروغليفية الي بالأرضيه فصورتها.
واكتشفت هالاكتشاف الخطير
وهذي صورة ثانية
يعني يا اما هذا لفظ الجلاله ولا انا مخرف!!!
منو المسؤول؟ مكدونالدز او الشركه اللي مستورده الأرضية! ما استغرب اذا كانت الارضية صناعه صينية! متعودين على هالسوالف منهم من قبل!
شنو بقى بعد؟ والله اخاف على يوم أيي اكل السندويجه والقى عليها بعد لفظ الجلاله!
الأحد، 23 نوفمبر 2008
المدونة ليست للبيع!
الاثنين، 17 نوفمبر 2008
رأيتك واسترئيتك!
صارلي اسبوع ما كتبت شي! ولا سجلت شي!
اكيد واحد عارف نفسه عدل اهو اللي صاكني عين!
فقلت احسن شي اني ابخر البلوق عسى تنفج العقده!
يعني شسوي بعد؟ اييب ملا يقرا على البلوق؟
©©©
الماك بوك اير مالي بعته وقلت اقزرها بالأي بوك القديم مالي!
بس الكوننكتر مالت الكهربا تعبانه يعني لازم اظل ماسكها علشان يشتغل!
والبطارية ميته! اليوم قلت بتفرغ له!
الحين لازم اطلب القطعه من امريكا بحروه الثلاثين دولار
ومني ليما توصل القطعه رايح يظل المسكين مكشوف العوره!
كيفه! من قال له يخترب!
الأحد، 9 نوفمبر 2008
دستوري وكيفي، ولأ! ماني مستقيل!
اليوم بعد ما طلعت من الحلاق قلت خل اشوف البقالة الي يمه اذا يابو من الآي سكريم الي خبركم.
بس غيرو الجيس ماله!
السبت، 8 نوفمبر 2008
ثالث بوس كاست طاح باليوتيوب (تحديث: اليوتيوب دايخ)
الأربعاء، 5 نوفمبر 2008
اليوم المفتوح، يرد الروح! (تحديث)
قبل اي شي احب ابشركم انه البوس كاست مالي صار موجود على الايتونز ستور بس سو بحث Funny Q8i وراح تلاقيني موجود وتقدر تشترك، واتمنى اذا احد كان عنده اكاونت عندهم انه يسوي ريفيو عن البوس كاست واكون له من الشاكرين
واليوم نزلت البوس كاست الثالث
وليلحين ما سويته على اليوتيوب، تقدر تسمعه بالآيتونز
اول امس كان اول اثنين بالشهر والي يعتبر حسب الدستوور مالي هو اليوم المفتوح واللي اقدر اكل في اللي ابي على كيفي ومحد له شغل
وانا على حظي مانتبهت الا المغرب، المهم قلت خل الحق على باجي اليوم
اول شي مريت محل قيصر بقرطبة وخذيت لي نص درزن بيتزا وصمونة مسحب وصمونة خضار، اللي ما يعرفهم ترا عندنهم خوش صمونات صغار ولذيذين
وبعدها قلت مايبيله الحين الا اثنينا برييد على مزاجي من محل عصير جمعية العديلية يم يم عم عم
بعدها قلت خل امر اخذلي اكل حق القطاوة من سوق الحمام اللي يم سوق اليَمعه للي مايدري!
المكان يخلو من البواليع وكانت غرقة
بعدها رحت الافينيوز وكان الازدحام ماله والي
لقيت محل عاليمين وصفطت عنده وقلت خل ادش اطل شويه عن الفشلة
عجبني الشاور هذا، في راديو وتلفون ومساج وبخار بس ناقصه انترنت وستلايت وميكروويف وانام داخلة
ان شاء الله راح اشتريه وحطه بغرفه النوم (صج)
علشان اول ما اقعد من النوم انط سيده بالفراش واتنشف
وهم بعد اذا اتزوجت ان شاء الله اقعد من النوم على صوت الشاور ومنظر حلو
او على صوت شخير مرتي
بعدها رحت الافينيوز وقلت اطق لي دوناتين بما اني عندي مدونتين
حده حوسه كريسبي، اول شي طلبت حبتين باكلهم على الطاوله الاخ الفلبيني حطهم بجيس، بعدين ييت احاسب قالتلي الكاشيره الفلبينية 800 فلس، عطيتها خمسة جان تقولي ماتبي ماي؟ قلت مابي ماي! ما عندك 800 فلس قلت ماعندي 800 فلس جان تتل الجيس وتقول ما اقدر ابيعك عيل! جان اناظرها بعين
جان تقول اوكي وتبطل المكينه وتطلع الباجي!!!!!!!
الحين قلت لها ممكن صحن؟! قالت ماعندنا صحن! جان اهدها واروح اقعد على الطاولة، ولا مرا قاعدة يمي عندها صينية، رديت قلت لها ممكن صينية؟ قالت لي قول جذي من زمان!!!!!!!!!!!!!!!!!!!
حد التخلف! يعني انا لو مو اليوم هو اليوم المفتوح جان لبستها الدونات، بس حرام اخرب اليوم عليها!