الخميس، 25 سبتمبر، 2008

يبيله طق!



قبل مدة كنت في"دعم العبالة!" وكان بنك يبيله موجود، فالريال فتح لي حساب، بس اخذ صورة البطاقة المدنية عالسريع.

رحت استلم البطاقة طلع السبلنج ما الاسم غلط، لأن الاخ الموظف ما سألني وهو عباه على كيفه! فقلت لهم يسوون لي كرت ثاني!

رحت امس استلم الكرت، واستلمته بس ماكو رقم سري! لأنه الجهاز خربان! الموظفة قالتلي مر باچر!

رحت اليوم ولا ليلحين موشغال، قالت لي جرب فرع ثاني! رحت فرع ثاني! قال لي "السيستم كله موشغال! ماكوا الا يوم الاحد"!!

يا جماعة دلوني!  في بنك مضبوط؟!!

ماكو "لوووول" اليوم!   لوووووول

هناك 7 تعليقات:

Mishari يقول...

مشكلتكم انكم تغترون بالاسم
بالنسبة لى من اغبي البنوك بالكويت الوطني ومستغل سمعته وتواجده

وهذا مو ترويج حق المكان اللى اشتغل فيه

بس اذا تامر بشى حاضرين ولا تخاف ما يدش جيبي شى ولا عندي target
بغطيه منك :)

موفق عزيزي

Mai يقول...

انطر بكمي
BKME
قاعد يتحول اسلامي ! خنشوفهم


عندي حساب بالتمويل و بالوطني، صراحة خدمة الوطني ما تتقارن بالتمويل و اكبر دليل
CALL center
التمويل :| لا لا !

مشاري اي بنك تشتغل؟

3bady يقول...

بيييه مشكلتك مشكلة ويه هالبنوك

انا لاحق ريض لي الحين :))

Funny Q8i يقول...

mishari

صدقني انا مو ناوي افتح حساب، بس زلقة بطيحه، مدام ببلاش ليش لأ!

ووين تشتغل؟

عزيز وغالي!

وسورري على الرد المتأخر

Funny Q8i يقول...

mai

اسلامي او متأسلم! انا ما يدش مخي هالحچي، يظل اسمه بنك!

الوطني يبيله سالفة، بس بجربه!

التمويل، اصلا ساعات وايد يعطي مشغول، او يقولها صراحة ما في احد يرد عليك!

Funny Q8i يقول...

3bady

تصدق لو تفتح بنك وتسميه بنك عبادي، راح افتح عندك حساب

بس هاااا تفتح لي فيزا مجانية عشر سنين

لووووووووول

Ω Tranquility Ω يقول...

ويه ماتشوف شر عاد بعض المرات هالبنك يخورها:) شتسوي بعد

خطاك السو

إرسال تعليق

تعليقك يهمني، بس تكفه لا تكسر مياديفي :)