الأحد، 21 سبتمبر، 2008

زواج المبلاق! او زواج المدوان!


يا ترى اذا كان في مثل هالزواج، چان شصار؟؟

يعني واحد ووحدة يشتركون ببلوق واحد، علشان تساعده بالبلوق، وتكتب له مقالاته وتسنع له التمبلت والجافا سكربت، وهو يرد على التعليقات الحلوة! ويدور مواضيع يديدة! ويمكن الله يرزقهم ببلوق ثاني صغيّر يفرحون فيه! ولا شرايكم؟!

هالايام دايرة سالفة الي يقول شوفولي عروس، وشرط تكون تشتغل، ومدرّسة بعد! احد يقول لي ليش مدرّسة بالذات؟!

الله يرحم زمان اول، يوم ما كانوا يشرطون انها ما تشتغل!!

الزمن قاعد يتغير! يا ترى بعدين شنو بيشرطون؟

تخيل الخاطب يقول:
"تدفيعين لي اقصاد سيارتي، ومصاريف اليهال عليچ، والاجار بالنص، واذا سيارتي خربت تصلحينها! وماچلة البيت وزقايري ومعاش الخدامة! ولا انا شحقه ماخذ وحدة تشتغل؟!!"

المخطوبة:
"ماتبي اسد لك القرض مال المهر بعد؟!!"

هناك 13 تعليقًا:

Funny Q8i يقول...

اذا المرا ماتشتغل، ما تاخذها يعني؟!
الواحد اذا تزوج الله بيرزقه، وعلى كل ولد الله بيرزقه زيادة، ما اقصد العلاوات، الرزق بيد الله.

ويا بنات يا حلوين، اذا كنتو تشتغلون ويالكم ولد الحلال، فمن الافضل توضيح النقطة للخاطب.

وانتو كريمات والمشاركة ما فيها شي بس بالمعقول؟

kAiKa-MGroMa يقول...

@@ انا قريت الكلام من قبل ساعتين

بس للحين ما يالي الهام الكلام

للتعليق عما يجول بخاطري

(=.

kAiKa-MGroMa يقول...

زواج المطلاع

اي والله استغفرالله كل يوم طالعين لنا بزيجه يديده

دام عنتر خربها مع كوماري مادري شسمها

قول على الدنيا السلام وتوقع غير المتوقع

P=.

JuVeNTiNa يقول...

رياييل اول راحوا .. الحين الريال يبي وحده تشيل عمرها .. ما يبي وحده تثقل عليه !!

الله يستر من رياييل باجر

terkwaz يقول...

خرابووه XD

قطوتي يوريتشي احلى من قطاوتك...

why me يقول...

لوول بلوقك توني ادري عنه يونس صراحه



والحين الدنيا مصالح .. كل من يدور مصلحته حتى في الزواج

3bady يقول...

جوف على سالفة الي تشتغل ما ادري شقولك يمكن الحبيب معاشه مو لي هناك فما يقدر يسوي اسرة بروحه

بس على سالفة تدفعين اقصاد سيارتي و و و...

شنو جايفها بنك ؟

ما ادري الناس وين راح عقلها ما قامت اتهمها الا المادة..

يعطيك العافية اخوي على الموضوع :)

ملاحظة: يريت لو اتشيل تاكيد الكلمة او الوورد فريكشن

Funny Q8i يقول...

كيكة:

مو المطلاع! المطلاق، هو الي الواحد يطلق قبل ما يتزوج!!

Guchani چذي تنقرا، مسكينة بطنها منتفخ، وماتدري شنو مصير عيالها!

تتوقعيين؟!

===========

luventina

المشكلة الوحدة الحين زادت مصاريفها، يعني الله يعين الي مرته ما تشتغل!

تبين تشوفين ريايل باچر؟ طالعي حال اليهال الحين!

===========

terkwaz

اهم شي قطوتچ "يوريتشي" تشتغل ولا لأ، وچم معاشها
، علشان اخطبها حق عنتر لووووول

===========

why me

شرفتي البلوق، وتونسچ العافية، انشالله دايماً مستانسة يا رب

المصلحة في كل شي، حتى عنتر يتمصلح علشان المسّاج لووول

===========

3bady

يبيله الواحد يتزوج بنك،
بس المشكلة انه علشان تدش غرفة النوم لازم تاخذ رقم!
ولما ايي دورك تكتشف انك ماخذ رقم مال الحمام!

لووووول

زين انك نبهتني على الفيريفيكيشن، ما كنت ادري!


وشكرا للكل على المرور وتحياتي

أتيت متاخرة يقول...

بصراحة هذي الشي منتشر وايد عندنا هالفترة
يعني شروط لها اول مالها آخر بالعروس
يبيها ويبيها
وبعدين
مثل ما الريال يتشرط البنت هم تحط شروط تبي وتبي
وآخرتها يعني؟؟؟
تعرف شنو آخرتها
الشباب يتمون ......والبنات ......عند أهاليهم
يا أخي الشروط بالمعقول

كالشموس أشرقي يقول...

لوووووول
صدقتي....الا مدرسه...والبنات طق مطاقق على كلية التربيه و التربيه الاساسيه...كل هذا بس علشان الريل!


متزوج بنك مركزي مو مره!

كالشموس أشرقي يقول...

على فكره اعرف حريم مدرسات بطاقة البنك بجيب ريايلهم
واعرف حريم شارين سياير حق راييلهم!

Funny Q8i يقول...

اتيت متأخرة

انا اقول لو يفتحون جمعية حق الزواج، يمكن تنحل السالفة!

يعني الواحد يدش الجمعية يلاقي كل شي بقسم، وكل شي عليه سعرة مو مثل مركز سلطان! ساعه على ما تعرف الشغلة بجم!

تبين ريال حلو موجود ، في قسم الحلوين، واللي يبي غينة موجودة، وكل شي بسعرة

والمدرسات قسم خاص

وتنزيلات على الجياكر!

جني مصختها
لووووووول

==============

كالشموس اشرقي

والله عطيتيني خووووش فكرة

يا ترى يصير ادشش القطاوة كلية التربية!

علشان يمشي سوقهم!

لووووووول

وشكرا عالمرور

كالشموس أشرقي يقول...

السموحه اخوي....:)

إرسال تعليق

تعليقك يهمني، بس تكفه لا تكسر مياديفي :)