الخميس، 11 ديسمبر، 2008

بان كيك خالي الدسم هم يمتن p;



تذكرون هالرسوم المتحركة؟

الشياب اللي مثلي احم احم يذكرون اكيد ايام الطفوله بالثمانينات، طبعا في اللي طفولتهم كانت بالتسعينات، عادي جنك ما تدري p; 

المهم كان حده يشهي البان كيك، وماكلته الا لما كبرت، بس عمري ما حصلت الاحساس مال الرسوم، يعني الرسوم مالها شغل بالبان كيك، يعني صج يخليك تحس انه شي عجيب ولذيذ! يمكن انا ليلحين ما مر علي بان كيك يعطيك نفس الاحساس اللي بالرسوم!

ساعات وايد اشوف اكل بالرسوم يشهي بس بالصج مو نفس الطعم، يعني تطالع الفيديو تقول الله ابييييه، تجربه! لا مو نفسه، لأنه المخ يخليك تتصور طعم على كيفه وعلى حسب الصورة!

انا بالمطاعم افضل الصور اكثر من الكتابه بالمينيو، ابي اشوف مالي خلق اقرأ شنو مكونات كل طبخه، سورري انا ياي اكل ولا بطالع شيف رمزي؟!

وتحيّاT

هناك 11 تعليقًا:

Purplecious يقول...

لوووووووووووووووووول

انت عجيب منين يايب هالكرتووووووون

واااااااي اينن زوقه اذكره و حتى انا كان يشوقني البان كيك

اذا تبي البان كيك الاصلي روح برايم اند توست اللي يم سلايدرز و برجر هب

عندهم 3 انواع.. انا احب اللي بالبلوبيري و جبن الريكوتا.. اكو بالشوكلت و اكو العادي اللي ما فيه شي.. جوني بعد عندهم خوش بان كيك بس اللي قلتلك عنه أحلى شي :))

و على الاحساس بالاكل صح وايد اشياء تشوق بالرسوم لما تذوقها بالصج مو نفس اللي تخيلته

تذكر الحساء؟ هايدي و سالي ههههههه

لو اقولك شنو الاكله اللي عطتني نفس احساس الحساء ما تصدق.... كورن فليكس بس يكون الحليب حار!! لووووووووووووول

شكوووو مادري

الشي الوحيد اللي بالصج أحلى من الكرتون هو الكوكيييييز

ههههههههههه

ترى انا يوعانه ما تغديت ليلحين عشان جذي تشوفني مستنه بالتعليق هههههه

Enter-Q8 يقول...

انزين و اللي طفولتهم بالسبعينات نفسي اشلون

THE BOSS يقول...

انا متضامن مع اخوي بو وليد
احنا طفولتنا الفارين دكسي و بكسي
لا وابيض واسود بعد

ودرابيل ورهش وقرص عقيلي
وكيك الهنود

لنا الله شياب راحت علينا

وعطني ولعه

BenT BonD يقول...

ههههههههههه اذكره اذكره هالباباي
يبيييييييييييله بانكيك مع ان ممنوع على هالسوالف
بس انت تخلي الواحد يخرب رجيمه مرة وحده
حسبي الله على ابليييسك يا فاني كويتي

كنت اشتهي خبزهم اللي بالبايات شلون يشوق شكله
يمي يمي

Funny Q8i يقول...

Purplecious

ميرسي على المعلومه ، ما ننحرمشي (;

جرب الجوكلت وايد حلو

المره اليايه اجرب البلوبيري

الحسااااااء اييييي عجيييييب

تذكرين الجبن والحليب مال هايدي؟

كوكيييز لااااا ذكرتيني بكعكي مال افتح يا سمسم p;

انا قلت يمكن الاقيج عند توست اند برايم خخخخخخ

وتحيّاT

Funny Q8i يقول...

Enter-Q8

والله انا نص سبعينات ونص ثمانينات فلازم اصغر نفسي شويه مو عمري ٣٥ يعني تصدق اني قبل ربع قرن كان عمري عشر سنين!

عاد الحين احد يقول تصدق انا قبل ربع قرن كان عمري ربع قرن خخخخخ

عموما السبعينات والثمانينات مافرقت وايد!

الستينات اللي كانت غير اسود وابيض ونامليت مادري شنو p;

وتحيّاT

Funny Q8i يقول...

THE BOSS

اييييي

ذكرتني بأيام المعسل ما كان يدور فيها

السؤال شنو كان يحطون قبل المعسل يعني؟

وعطني ثحمه خخخخخ

مو خبرك قبل كانوا ما يقولون ولعه

بس ثحم

وتحيّاT

Funny Q8i يقول...

BenT BonD

ايييي شفتي شلون هش الخبز وشهي وتحسيينه حااااار وينوكل حااااف

بعدين تشترينه من مركز سلطان وتقولين لااااا موو هوو بس يشبهه p;

وتحيّاT

BenT BonD يقول...

ههههههههههههههههههههه
عدل عدل مو نفسه غييير ولا بعد يابس

{~المباركية~} يقول...

مسكين ماكله لانه مقحط جان يطرده من المطعم

والله انا احب الباونت كيك الله يهداك شوقتني

Funny Q8i يقول...

Bent BonD

اي والصمونه شطولها

تصلح حق البيسبول p;

========

المباركية

خخخخخخ بان كيك مو باوند كيك

خلاص اعزمك على يوم p;

شرط يكون يوم مفتوح (;

وتحيّاT

إرسال تعليق

تعليقك يهمني، بس تكفه لا تكسر مياديفي :)