الخميس، 4 ديسمبر، 2008

حيلهم بينهم!


ونـــــــــــــاسه!

ڤيڤا اعلنت الحرب على المنافسين، بأول خازوق تسويه وهو انك تستقبل ببلاش، وطبعاً الثانين اتبعوهم كالمجانين، يعني اذا تقدرون تسوون جذيه ليش مو من زمان يعني؟!

الحين تقدر ترد على الموبايل ولا تحاتي، الا اذا مالك خلق ام العيال! كل شوي بتدق عليك

"هو: ها في شي؟"
"المدام: لا والله بسولف بس"

انا متأكد انه ارباح الشركات بتقل على الأقل 70% لأن الناس الحين راح يستثمرون تلفونات البيت الي حمضت.

قبل الواحد يستحي يدق من تلفون البيت، ويتحسف يدق من الموبايل، بس الحين اجرخ على راحتك.

الخوف الحين وزارة المواصلات ما تبتدي تجرج على مكالمات البيت، يعني عسى ما تقلب السالفه عايدي!

طبعا الرضيعه حدهم مهيصين، خلاص قول وداعا للميتين دينار بالشهر p;
يعني مالك الا اثنين، يا انت تدق من تلفون البيت، يا هي!
وبالحالتين محد بيدفع!
يعني قزروها ميسدات وتلفون بيت، واذا اثنيناتكم برا البيت قزورها مسجات!
ولا لأ مسجات تخسر اكثر من المكالمات، خلاص شوف لك باكج صغيرون حق المهمات الصعبه!

وقالولي انه عند ڤيڤا تقدر تختار رقم واحد ٢٤ ساعة ببلاش (;

هناك 4 تعليقات:

THE BOSS يقول...

ولعها ولعها شعللها شعللها
وحط حيلهم بينهم

وعطني ولعه منهم

Enter-Q8 يقول...

دازين لي مسج تعال استلم خطك في ارض المعارض
يعني ابو الزحمة
شكلي بهون

{~المباركية~} يقول...

ولك شنو زحمة
الحين بكتب عنهم بوست ترقبني

Funny Q8i يقول...

THE BOSS

اهلا اهلا

شكلهم حاشهم طشار من ولعتك خخخخ

======

ُEnter-Q8

عالبركه مقدما، عسى رقم زقرت عاد؟ (;

======

المباركية

سبقتك خخخخخخخ

وتحيّاT للكل

إرسال تعليق

تعليقك يهمني، بس تكفه لا تكسر مياديفي :)