قبل مدة قوچاني ولدت، وكلموني وايد ناس يبون يشترون بس اقول لهم نطروا لما يكبرون شوي، يعني انا عادةً ابيع بعد عمر اربع خمس اسابيع، لما يبتدون ياكلون ويركضون، بس جلب فيني صديق الا تبيعني وحدة الحين، مع اني قلت له انها ليلحين ترضع وحيل صغيرة، فقال لي عادي اللي بياخذونها يعرفون يتصرفون وياها!
سلمت أمري لله وبعته القطوة، بس اييكم العلم، قوچاني كانت والدة اربع، والحين نقصو وحدة، والمسكينة هالمرة شاده حيلها وياهم وقاعدة ترضعم تمام ومجابلتهم عدل، يعني صايرة ربت بيت درجة اولى، مع انه اخر مرة ولدت يابت اربعه، مات منهم ثلاث والرابع قطيته عند خالتها حبيبة ترضعه، بس هالمرة صايرة مرا.
الحين تعال حل المشكلة:
قوجاني:"واحد، اتنين، تلاتة، !!!!!!! فين الرابعه فيييين بنتي الرابعة؟ ضنايا، قيبووولي ضنايا"
مادي شلون ومن وين يالها الاستنتاج انه "هيزل" اكلت او باقت بنتها! لا تستغربون، الحالتين صاروا عندي! مرة "ايديدا" كلت بنتها اللي عمرها اسبوع! وساعات كانت تبوق عيال بناتها وتحطهم ويا عيالها جنه ماكو شي صاير
ايديدا:"لا عادي عادي علشان اخاويهم من الرضاع!"
قوچاني شاكة بـ"هيزل" اللي تصير خالتها ومرت ابوها وبنفس الوقت شريجتها! ومن ذاك اليوم اللي بعت فيه القطوة واهي صايرة شرية وما تتحاجى!
أنا:"يا بنت الحلال! طولي بالج"
قوچاني: "ماريد ماريد الا اكسر ذيلها بنت البزونه!"
أنا: "الحين انتي مو مساع تتحجين مصري؟! شاللي قلبج عراقي؟ شنو مسوية بساط الفقر؟!"
قوچاني: "چب زين، انت بس تتصيد!"
طبعا انا ما قلتلها اني بعت بنتها! خليتها على عماها وصارت بويه "هيزل"!
بس شكلي انا اللي باكلها من الهوشات كل يوم، تقول شرايج!
بس صح هم شرايج من قبل! بس الحين صار بينهم طار، اقصد ثار!
هناك 19 تعليقًا:
مرحبااااااااااا
يا بودم خفيف
مت من الضحك
شخبارك يالقاطع ...وينك...يعني لازم ايي بيتكم وادش عليك بالصاله وازفك :\
وحشتني
وسلم لي على قطوتكم
احنا عندنا قطوه بس لي الحين ما زوجناها
فيرجن
؛)
انشالله بنوافق على اول واحد يطق الباب
بس يارب يكون اصيل
ولا ما نزوج
؛))
تحياتي
سلااااااام
الاوووووووووووووووولى
:)
حلاااااااااتهم القطاوه :$
سلم قلبهم والله :*
كسرت خاطري قوجِاني حرام :×
شكراً
لووووووووووووول
تعليقي على البوست انت تعرفه عدل :q
keep Going
شنو هالهيزل الشريه تاكل اليهال :@
مسكينه قوجاني :(
انزين نبي صورة جماعيه لليهال مع امهم ونبي فيديو هوشات قوجاني مع هيزل على انغام قريندايزر
ههههههههههههههه وعلية عليج يا قوجاني
صاحبج باع بنتج وانتي ماتدرين
يا ويلك من ربك يا فانيو قوجاني لو تدري انك بايع بنتها راح ترفع عليك قضية ويمكن تاخذ نص البيت
ألحين بعرف شغلة قوجاني شنو اصلها عشان تتكلم لهجتين؟ ابوها اشيطلع وامها اشتطلع؟؟ لايكون بدون ونوعهم يتفرفرون من ديرة لي ديرة عشان يستقرون وياخذون الجنسية؟؟
فانيو مادري ليش احس انك واحد وياي بالدورة اللي انا داشتها هالشهر
/=
looooooool
وبنفس الوقت عورت قلبي... ابي قطاوتي :"<
لوووول هذول بروحهم مسلسل بحالهم
والله يا اخي انا اقول سولنا مسلسل وعررضه على الراي بدال ويبقى الحب مالهم الي شقونا بهالأتراك
:)
loooooooooooooooooooooooooool
يا حليل قطيواتك
واااااااعلياااا
وناسه عندك قطاوه احلى شي
انا صارلي سنين احن على اهلي و مو راضين :(
حرررام صارحها بالحقيقه المره لا تسوي مشاكل بينها و بين اهلها لوووول
يتربون بعزك و الله يخليهم لك ان شاءالله
صبا
اهلا اهلا بالقاطعة ام ابتسامة مشرقة
تعالي حياج بس راح تلاقين كود قطاوة وانا تحتهم p;
وعقبال ما الله يرزق قطوتج بابن الحلال وتييب الذرية الصالحة D:
اذا تبين، ذا بيوتيفول يبي عروس هم تكون اصيله خخخخ
ولا مش أد المئام؟ p;
وتحيّاT
حافية القدمين
اي والله ضاق خلقي عليها
المسكينه ما تهنت!
ان شاء الله الله يعوضها (;
وتحيّاT
Engineera
لا ماعرفه! شنووووو؟ p;
وتحيّاT
Eman
لاااااا هيزل ما سوت شي!
انا بعت القطوة وقوجاني شكت بهيزل!
والله سويت فيديو بو طقة! ما حطيته!
خل اشوف ليما اسوي فيديو سنع (;
وتحيّاT
BenT BonD
اييييي شوفيني انا اللي وراا عاليمين وبيدي قلم p;
بس مو تتحرشين فيني خخخخخخخ
وتحيّاT
bent el deera
افهم من كلامج انج بجيتي من الضحك؟ p;
يالله تكبر وتنسى
وتحيّاT
Ducati
لا عيل ابشرك
سمعت انهم بيدبلجون مسلسلات ايرانية حق كويتي
حي الله الديكاتي (:
هالله هالله بالويلات السنعة p;
وتحيّاT
Rasha
يحليل الضحكة الي طالعه منج (:
وتحيّاT
malak
انا صارحتها بس قالتلي "جذاااب لا تحاول تدافع عنها، انا اعرفها السوسة هي اللي باقت بنتي!"
فقلت طاف انتو قطاوة وتنيازون p;
هلا بملوووكه (:
وتحيّاT
إرسال تعليق
تعليقك يهمني، بس تكفه لا تكسر مياديفي :)