السبت، 17 يناير، 2009

تو الناس!

happy holidays

طافكم في ليلة راس السنة، خووووش مشهد، حده متأخر البوست أدري Tongue out

كنت بسوق شرق، وانا ماروح سوق شرق الا اذا بروح مركز سلطان،لأنه الافينيوز قضى عليه!

حست شوية بالمركز، وكالعادة عصبت، لأني دايما احوس على ما اعرف اي شي جم سعرة!At wits end

إلا المخ حاطين عليه سعر!

SC-Brain
SC-Lamb Eggs

وهذا بعد حاطين عليه سعر، لأنه محد راح يسأل ويقول "بجم بيض الخروف؟"!!! Sick

بعدها قلت خل اطق لي فرة بالسوق، وكنت قاعد اسولف مع صديق عالتلفون، بما انه كان اخر يوم بالشهر وبخلص الباجي من الرصيد مال الباكج قبل لا يروح علي Call me

FatBiker

علشان ما يكون هذا مصيري، طلعت من مركز سلطان ومريت GNC فوق وقعدت اطالع الحبوب، اشوف لي شي يساعد الرجيم، اكتشفت بالصدفة منتج اسمه ليبو ٦ سعرة ١٥ دينار، مع اني قبل يومين كنت بالسيتي سنتر وريال شراه جدامي ب٢٥ فأشوه انه مو انا جان مت قهر، وحسافه انه مو رفيجي ولا چان دقيت عليه وضحكت ضحك اليهد!Rolling on the floor والمراه اللي تبيع تقول له هذي اخر حبة، وستايل هذا المنتج خاشينه داخل بس حق الحبايب!

ويمكن لو ما كان اخر حبة جان خذيتلي واحد!

عاد فكرت اني اشتريه، بس بما انه فيه كمية منه، قلت خل اجيك عليه بالانترنت اول، انا من النوع اللي يحب يجيك كل شي بالنت، السعر، المواصفات، راي الناس، وشنو امكانية اني احصلة بسعر ارخص، وهذي اهم نقطة Rolling on the floor

لأنه محد فينا عنده استعداد يدفع اكثر في أي شي الا اذا فيه ميزه شكبرها، او انه ماله خلق ينطر، او يخاف من النچلات!

عادي انا احب المخاطرة، قبل مده كنت طالب حبوب من امازون، وحست على ما طلعتهم من الجمارك ووزارة الصحة، بس بالنهاية كانوا ثلث سعرهم بالكويت!

بس حسافة بعضهم كان تاريخ الانتهاء ماله قريب!

GNC-Slimming patch

لقيت هاللصقة، الواحد يلصقها ويضعف!

شهاللصقة الي ب22 دينار!

تيب ب150 فلس من البقالة واتييب فيها حلجي وبطني وبالمرة بوكي علشان ما اطلب من المطعم!

نرجع مره ثانية وين كنت؟

اي، قلت بعدين اشوفه، وطلعت من المحل لأنه ياني تلفون وكنت اسولف واتمشى، اذكر قبل كنت آكل وانا أتمشى، غريبه من زمان ما سويتها، شورما وسفن وانا قاعد اتمشى!

وانا قاعد اتمشى في ممرات سوق شرق، مريت بين هوشه! كل اللي اذكرة شي مثل "احترم نفسك احسلّك،،،، يالله انقلعي انقلعي"!

كانت وحده قاعده تزف اثنين، والاثنين هذيلا كانو لابسين مثل مثل! الحمدلله والشكر، شنو الأخوة فرقة؟!

المهم طفتهم وجدام شوية ولا في امن بو لاسلكي، قلت له في هوشه ورا وأشرت له ومشيت ، وبعد شويا ولا هذيلا يركضون يمي ويا قمصانهم المخططة ابيض واسود اللي جنهم من مساجين امريكا، بس ناقصهم السلسلة ام كرة حديدية!

سويت لفه بالسوق، بعدين قلت خل ارجع مركز سلطان اخذ لي جم شغلة، والساعة كانت ٩ ليلة راس السنة والبيبان تسكرت! شالسالفة؟ مادري!

الحين صارت السالفة، على ما لقيت لي باب اطلع منه من سوق شرق وكنت متوجه حق مركز سلطان، شفت من بعيد لوية عند الباب، وايد شباب، وأمن!

استوعبت انهم ما يدششون الا عايلات، اوتوماتيكيا وانا قاعد امشي كان في يمي وحدة منقبة وامها الحجية، جك بك مشيت بينهم والتوقيت كان عجيييب، يعني بالضبط صارت هذي مرتي وهذي عمتي!

عاد كنت ساكب حزتهاCool، المهم انا ويا عقلي الباطن تقمصت شخصية انه هذي مرتي وكنت متجهز اذا قالولي وين رايح بقول "نعم، نعم؟!!، الأهل!" Nerd

SC-Family only

بس محد سألني، الظاهر اني كنت جايد الدور، كل هذا وانا قاعد اتكلم بالتلفونOn the phone، يعني باختصار كان مالي حل، حتى واحنا قاعد اندش جنه واحد من الأمن قال "شوية شباب خل العايلة تدش"!

المهم انا دشيت منيه و ورررررر، لي داخل بسرعه بسرعه، زين ما جكوني، بس صراحة ضميري انبني وايد، فقررت اني اصلح غلطتي،

فتزوجت المرا!!! اي خطبتها من الكاشير، والمهر كان بالكي نت! وبالمرة حصلت 5000 نقطة ببطاقة الريوردز!

هناك 26 تعليقًا:

mo3ath يقول...

لووووول شفيك عافس الموضوع فوق تحت ، صاعد ونازل وراس السنه وتتكلم بالتلفون

انا ضعت إلا شوي ، الظاهر كاتب البوست وانت تتكلم بالتلفون موو ؟ P:

سالفه الهوشه زين تسوي فيهم ابتلشنا باليهال واهم شي مثل مثل لوووول يعني احنا كتكات مادري شكو :)

والي يعافيك شوفلي ام المدام بجم سعرها يمكن عليها خصم آخذها انا P:

غير معرف يقول...

لووووول

ودي اروح براس السنة شرق


بس قانون مجلس العليا ممنوع

ما علينا

اذا استخدمت ليبو 6 بلغنى


يمدحونها وايد


شوف شنو يصير وبلغنا

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

Eman يقول...

شكل المخ والمادري شنو الشي الثاني حده لا تعليق اشوه مو قاعده اكل :s

الموقع حلو ويونس بس ارجووووك شيل البوس كاست الاجباري
خل نعرف نقرا :(

kAiKa-MGroMa يقول...

بعرف شنو الهدف السامي من البوست لوووول

عومستنا تعومس :\ خبصتنا

قرقعت قلوبنا لووووول اي شي P:

المهم funny

أأيد ايمان واقول شيل صوتك وانت تقرق please

انا اول ما ادش بلوقك ســــيده mute :×

thanks :P.

malak يقول...

لووووووووووول


اهم شي مرتك و عمتك :D

طموحة مملوحة يقول...

لووووول امبي اهم شي بيض الخروف وزوجتك كااااااااك
انت عالم ثاني والله لوووول الله يكثر من أمثالك يارب

ZooZ "3grbgr" يقول...

فنفن تدري

انا من اشوف شي وابيه اخذه نفس اللحظة

لو موجود بالمحل اللي يمه

ما اجيك السعر

عشان جذي اصنف بخانة المقصوص عليهم دائماً

:")

رشا يقول...

لا وازيدكم من الشعر بيت

بخصوص حبوب ليبو 6

تتطلبهم من النت يطلع عليك 8 دنانير

اذا ما عندك صندوق بالارامكس

اطلبه من المكتب بمركز سلطان

خلال يومين يوصلون لك

شوف فرق السعر

")

وموفقين

نتفه يقول...

.

لوووووووووووووووول

بس بس حدك عجيييييييييب .. عليك سوالف ضابطها

احس يوم لاحق مرتك وعمتك لووووول وعند الباب جذي

تخلي ويهك جنك مندمج بسالفه .. لاتحاجوني !!

وووو وررررررررررررررر دشيت لوووووووول

بوست اينن

=)

.

BenT BonD يقول...

هههههههههههههههههههههههههههههههههه
والله انك تينن
شالحركات هذي اللي عليك .. اثاري طلعت منت هين
استغفر الله شالمنتجات اللي يبيعونهم!! بالله منو ياكل هالسوالف /=

وأهم شي انك تاكل وتمشي لول تكفى شلون تقدر تاكل وانت تمشي؟!! وبعدين ريال شكبرك ماتدري ان اللي ياكل ويشرب واهوا واقف مو زين؟!! لازم نعلم فيك يعني ههههههه

اكره ماعندي اللي يلبسون نفس الشي من فوق لي تحت
عاد تدري مرة انا واختي لبسنا مثل الجاكيت مع اني انا مادري انها كانت بتلبسه فيوم نزلت تحت ولا اشوفها لابسة نفس جاكيتي بس اشوه ان بنطروناتنا غير وحجاباتنا غير واهيا عصلة وانا امتن منها بشوي لوول وكلش مانشابه بعض فأشوه ان شكلنا اوكي

تكفه جرب هاللي شريته وقولي نتايجه شنو عشان اسوي نفسك واشتريه

يالطيب شلون عمتك ههههههههه والله انت فيلم موطبيعي

عيني عليك باردة

Funny Q8i يقول...

mo3ath

يمعود البوست حزر بالدرافت قلت بنزله واللي يصير يصير p;

حالة عصيبة وبالمغربي صعيبة D:

ام المدام ما عليها سعر، لا زم امررها على مكينة الكاشير "توت" p;

اووووو ما عليها باركود! لا مو للبيع طلعت!

وتحيّاT

Funny Q8i يقول...

غير معرف

اهم شي مجلس العليا D:

ما اعتقد اني راح استخدم ليبو ٦ لأني قاعد اسوي خطة يديدة وشكلها بتمشي (;

وتحيّاT

Funny Q8i يقول...

رابطة هويتي اسلامية

حياكم الله

Funny Q8i يقول...

Eman

يا هلا بأمووون

سوري على لوعة الجبد p;

وبالنسبة حق البوس كاست الاجباري انا شخصيا متأذي منه!

بس مخليه لأنه ملفت للنظر، اقصد السمع!!! اقصد! اوووه!

المهم انه زين حق اللي ما يعرف البلوق وأول مرة يدش

لانه ممكن يقول "لحظة هذا جنه عنده سالفه،،،،،،،،،،،، لأ ما عنده سالفه!!!!"

واذا قرقتي مأذيتج عطيني احلى ميووووووت افا عليج D:

وتحيّاT

Funny Q8i يقول...

kAiKA-MGroMa

أهم شي انه funny

هذا هو الهدف

مثل الدايت سفن، ما يمتن، زين ليش نشربه؟!

علشانه يونس p;

وأهم شي الميووووت (:

خلاص انا راح احرمك من الميراس p;

وتحيّاT

Funny Q8i يقول...

malak

اهم شي انج ضحكتي (:

وتحيّاT

Funny Q8i يقول...

طموحة مملوحة

ايييي الله يكثر من امثالي

الطب النفسي مترووووووس p;

خخخخخخخخخخخخخخخ

وتحيّاT

Funny Q8i يقول...

ZooZ

السالفة يبيلها خلق

وانتي ما عندج خلق

خلقج بس حق الديريفيتيفز

وتحيّاT

Funny Q8i يقول...

رشا

يا هلا فيج بمدونتج الثانية (:

اييييه تدرين عاد

لا وعلبو مسوين عليه عرض خاص يعني

وانا لاقي العلبة ام 240 حبة ب١١ دينار في امازون!

مركز سلطان ماجربته، يبيلي اجرب والله

مو عن شي، بس مالي خلق الصحة!

ويسلموا على النصيحة

ولا تقاطعين (;

وتحيّاT

Funny Q8i يقول...

نتفة

شفتي شلون (:

انفع امثل؟! خخخخخخ

لا صراحة الوصف ما ينفع كثر المشاهدة الحية حق هالسافة!

لا تقاطعيييييين (;

وتحيّاT

Funny Q8i يقول...

BenT BonD

خخخخخخخخ

شفتي شلون؟

اكل وامشي مو الحين!

يوم اني صغير، قبل خمستعش عشرين سنه خخخخخخ

بعدين انا ليلحين ما شريت الليبو ٦!

وما ظن راح اشتريه!

عمتي تسلم عليج p;

وتحيّاT

BenT BonD يقول...

انزييييين قولنا سرك الثاني خل نجرب وياك
نبي شي ينفع الله يخليك

غير معرف يقول...

لوووووووووول
يبيله اروح سوق شرق براس السنة الهجري
انت فلم اكشن على حزن على اكل هههههه
حده ماكس
وموفق خير بس لاتنسانا بدعوة العرس :)

Funny Q8i يقول...

BenT BonD

ماكو سر، كل شي على الهوا

وتحيّاT

Funny Q8i يقول...

غير معرف

اي لازم اشكل شوي p;

ان شاء الله العرس الدعوة عامة p;

وتحيّاT

إرسال تعليق

تعليقك يهمني، بس تكفه لا تكسر مياديفي :)