الاثنين، 20 أكتوبر، 2008

كوبونات نص چم!


قبل مدة ربحت هالكوبونين من احد المطاعم كل واحد عبارة عن قسيمة ب3 دنانير في مطعم معين، وظلو عندي بالبوك، بالصدفة اليوم كان عندي شغل قريب من الفندق الي فيه المطعمين، بعد ما خلصته قلت خل اجرب الكوبون قبل ما تنتهي مدته.

دشيت كروان بلوزا ، وقلت خل أشوف مطعم الاحمدي، ماجربته من قبل مع اني مشترك بالنادي مال الفندق من سبع سنين، بس ولا مره دشيته.

Funny Q8i:
في منيو؟
Filipino Waitress:
نوو سير , ؤنلي بوفيه

أنا مو مال بوفيهات، لأني دايما انوع الاكل وأترس الصحن، يعني لازم شويه من كل شي، وكأنه فيه حفلة راقصة في بطني

المشكله ما قط مره اكلت من بوفيه الا وانتفخ بطني، يعني لازم ادق على الونش علشان ايي يشيلنى ولازم يكون (سطحة)

"شباب تكفون اشرحوا حق البنات يعني شنو (سطحة)" p:

Funny Q8i:
هاو مچ إز ذابوفيه
Filipino Waitress:
9.5 دِنااار

بس ودي افهم ليش بعض الفلبينيات يقولون دِنااار بتفخيم النون ومد الألف بالضبط مثل الصعايدة!

Funny Q8i:
واي 9.5 دنااار!! آيم دونق دايت، اي ول نت ايت ذات مچ!!(قطها فني)
كان اي تيك سالاد بوفيه ؤنلي؟
Filipino Waitress:
نو سير، واي دونت يو تيك ءلوك أت ذا بوفيه

طليت على البوفيه، بصراحة ماشفت اي شي يخليني اني ممكن اقط 9.5 على وجبة وانا داخل الكويت!
برا الكويت عادي أطوف، بس اهني اذا بقط 9.5 على وجبه ما اظن، إلا اذا عازم وحده حلوة ولا شي :)

خطيبتي مثلا ;)

واحد من الربع؟ ،، ربما!

مرتي؟! ،،،"يقولون مطعم الفلافل الي بحولي وااايد عجيب"

©©©

المهم قلت خل اشوف المطعم الثاني

دشيت المطعم، عالسريع، شنو الوضع؟ اممم بوفيه بعد، يقولون عندهم بوفيه كل يمعه وسبت، بچم 6 ماشي بس بصراحة اول ما دشيت ولا بوفيه الحلو بويهي، ولو اني قاعد چان توحدت فييييه، فقلت أيي بعدين لما مايكون في بوفيه واطلب حسب الرجيم.

يعني الكوبونات هذي حدها فشنق! لو فيهم خير جان قالوا بوفيه حق شخص واحد، اوكي بس 3 دنانير خصم من 9.5 لا شكراً

©©©



وأخرتها صفت على وجبه حزينه من ماكوونلز!

اي انا رجيمي كله لحم وسلطه، يعني بس أشيل الصمونه والباجي اوكي

وتحيا الحرية

هناك 32 تعليقًا:

why me يقول...

يعني شنو سطحه !!


وبعدين تعزم وحده حلوه ولا خطيبتك اوكي



واذا مرتك مطعم فلافل





بيييييييييه

بيييه





انا عرفت الحين خطتكم



لا للزواج

زين جذي

والسبه انت


لووووووووووووووووول

BenT BonD يقول...

هههههههههه
والله دايما قاصين علينا بهالكوبونات
ويعطون خصم بهالمطاعم لان ماكو اقبال على هالمطاعم << اقبال ولا نورية امللللق

انا ورا كل مطعم هم لازم يبيلي ونش وشرط ان يكون سطحة ههههههه

ومسكينة الصمونة ليش جي لاعب فيها لعب؟؟ عاد امس ماكله بق تيستي هههه
وبالعافية عليك

ShaymoOona يقول...

الكوبونات هذي كلش كلش مااحبها..احس ان وراها شي ...فندق بلازا حلو اذا ابتعزم احد من برا الكويت شغل اجانب غير جذي لاء

AnOnymOus يقول...

شكلك من نوع الي على طول ريجيم بس ما تنزل!؟

في وصفه (يقولون) سحرية نزلت ناس 20 كيلو و أكثر، اهي شوربه تشربها قبل الغدا و العشا بس شكلها مو ذاك الزود، حتى طعمها و ريحتها :) اذا تبي عطني خبر و اكتب لك اياها.. و ان شاء الله تنزل من وراها و تفتك من الريجيم و تروح مطاعم على كيف كيفك :)



على فكره؛

البلوق حلو و حدك funny

قريت وايد posts (بس مو كلهم)، معظمهم (عجيبين)! :)


يعطيك العافيه

Mai يقول...

LOOL

سؤال !!

الحين شنو فايدة الخصم اذا ماكو خصم !!!

و احلى شي بالدنيا Macdony :P

KuWaIt MaStEr يقول...

ماكو غير المنقذ ماكدونالدز مطعم المهمات الصعبه

وساعات يعطونك كابون ولمن تستخدمه وبتطلع من المطعم بتروح يقول الجرسون وين على الله دخول الحمام زي خروجو يقولك ادفع الي كليته و تلقى الكابون بس يخصم لك 3 وله 4

Ducati يقول...

انا اقول لو مخلي هالكوبونات على جنب ورايح ماك دايركت

عاد معاذ مسوي رجيم هاليومين

علشان جذي انا مقرر اعزمكم على مطعم انا اكل وانت معاه شوفوني

والله خطه

---------

على موضوع سطحه

السطحه هذا الجسر او القالب الحديد الي توقف عليه السياره لما يسحبها الونش

لإن في ونش يتل السياره والتايرين الي ورا يمششون عالأرض هذا مو سطحه

اقول فهمتوا شي ؟؟

malak يقول...

احلى شي ماكدونالز بالعافيه :)


بس حرام عليك تعزم ربعك و مرتك مسكينه فلافل

mo3ath يقول...

وانت من صجك محتفظ بالكوبون لووووول اهم شي مسوي ريجيم وبدش على السلطات لوووووول D:

ديكاتي يعني شارحها وياراسك تقول جسر ، انت بروحك يبيلك واحد يترجمها من وراك :q

باليوم الي تبي تطلع فيه انا راح اكون موقف ريجيم :q

Q8Sky يقول...

اولا البوفيه حرام عشان جذي انت مارحت مو عشان الرجيم ، ثاني شغله لاتسوي رجيم دشتي يقولك مو زين p;

Funny Q8i يقول...

why me

>يعني شنو صطحة !!!

انظر اسفل p;

>وبعدين تعزم وحده حلوه ولا خطيبتك اوكي

اولا انا مو متزوج

هذي كلها اشاعات مغرضه

>واذا مرتك مطعم فلافل

شفيها الفلافل؟ كلها بروتينات واملاح معدنية، مفيده حق كمال الاجسام

>انا عرفت الحين خطتكم
>لا للزواج
>زين جذي
>والسبه انت
>لووووووووووووووووول

وانا بعد "لا للزاوج" هههههه

انا كشفت الخطه خلاص راحت عليه الي ليلحين ما تزوج

فانا انصح كل خاطب انه يبديها بفلافل من الاول ويفك عمره

Funny Q8i يقول...


bent bond


>هههههههههه
>والله دايما قاصين علينا بهالكوبونات
ويعطون خصم بهالمطاعم لان ماكو اقبال على هالمطاعم << اقبال ولا نورية امللللق


زيديييني ملقاً زيدييني يا احلى نوبات فنووونيي هههههه


>انا ورا كل مطعم هم لازم يبيلي ونش وشرط ان يكون سطحة ههههههه


والله زين تعرفين سطحة، شكلچ مطيحة بالشويخ D:


>ومسكينة الصمونة ليش جي لاعب فيها لعب؟؟ عاد امس ماكله بق تيستي هههه
>وبالعافية عليك


باين عليج خبره بماكوونلز صدتي السندويجه D:
العب بالسندويجه احسن ما هي تلعب فيني ;)

Funny Q8i يقول...


shaymooona


>الكوبونات هذي كلش كلش مااحبها..احس ان وراها شي...


خلاص الكوبون خلصت مدتها، يعني ببروزه وحطه عالطوفه


>.فندق بلازا حلو اذا ابتعزم احد من برا الكويت شغل اجانب غير جذي لاء


اي حق عزايم اوكي

Funny Q8i يقول...


anonymous


>شكلك من نوع الي على طول ريجيم بس ما تنزل!؟


على حسب! المشكله لما اخربط D:

>في وصفه (يقولون) سحرية نزلت ناس 20 كيلو و أكثر، اهي شوربه تشربها قبل الغدا و العشا بس شكلها مو ذاك الزود، حتى طعمها و ريحتها :) اذا تبي عطني خبر و اكتب لك اياها.. و ان شاء الله تنزل من وراها و تفتك من الريجيم و تروح مطاعم على كيف كيفك :)


هذي شوربة السلري اسويها من فتره لي فتره


>على فكره؛
>البلوق حلو و حدك funny
>قريت وايد posts (بس مو كلهم)، معظمهم (عجيبين)! :)
>يعطيك العافيه

شكرا هذا من خفة دمچ :)
والله يعافيچ

وسعيد بالزياره هذي ولا تقاطعين ;)

Funny Q8i يقول...

mai يقول...

LOOL>
>سؤال !!
>الحين شنو فايدة الخصم اذا ماكو خصم !!!
>و احلى شي بالدنيا Macdony :P

ماكو فايده من الكوبون

هذا مجرد تسويق رخيص!!

اهم شي مكاوونييي ههههه

BenT BonD يقول...

هههههه اذا تبي املق من جذي ترى اكو

وافا عليك انا بسوالف السيايير اعرف وكافي يعني لما الواحد يودي السيارة الوكالة طبعا مو بروحي ويا واحد من اخواني ولا ابوي بس لازم صاحبة الحلال تكون موجودة هههههه

وحق الاكل زاااااهبة ههههه ماتشوفني عرفت الصمونة

Funny Q8i يقول...

kuwait master يقول...

>ماكو غير المنقذ ماكدونالدز مطعم المهمات الصعبه

>وساعات يعطونك كابون ولمن تستخدمه وبتطلع من المطعم بتروح يقول الجرسون وين على الله دخول الحمام زي خروجو يقولك ادفع الي كليته و تلقى الكابون بس يخصم لك 3 وله 4


شفت شلون، لو معطيني كوبون حق ماكوونالز چان اشرف لي D:

Funny Q8i يقول...

ducati يقول...

>انا اقول لو مخلي هالكوبونات على جنب ورايح ماك دايركت

تصدق! شلي بهالسالفة اصلا :)

>عاد معاذ مسوي رجيم هاليومين
>علشان جذي انا مقرر اعزمكم على مطعم انا اكل وانت معاه شوفوني
>والله خطه

أصلا اوتوماتيكيا يتوقف الرجيم حزتها D:
تخيل اثنين صار لهم مده مسوين رجيم يعني انت راح تضيع بالطوشه
وهذا ويهي اذا طلت شيD:

Funny Q8i يقول...

malak تقول...

احلى شي ماكدونالز بالعافيه :)
بس حرام عليك تعزم ربعك و مرتك مسكينه فلافل

الله يعافيچ
ما عليچ بس حچي، اهيا بس خل تكون موجودة وتتدلل :)

اصلا مو بكيفي! غصبن علي ههههه

'3air يقول...

كلنا نحبه! لول
بدال (أنا أحبه) :d

اي صج
شنو سطحه!

Funny Q8i يقول...

mo3ath يقول...

>وانت من صجك محتفظ بالكوبون لووووول اهم شي مسوي ريجيم وبدش على السلطات لوووووول D:

انا عاد رجيمي مووو آسي، رجيمي حونيّن D: سلطات دسمه ;)

>ديكاتي يعني شارحها وياراسك تقول جسر ، انت بروحك يبيلك واحد يترجمها من وراك :q
>باليوم الي تبي تطلع فيه انا راح اكون موقف ريجيم :q

مسكين ما راح يحصل شي، لاننا راح نمسح الاكو والماكو ههههههههه

Funny Q8i يقول...

q8sky يقول...

>اولا البوفيه حرام عشان جذي انت مارحت مو عشان الرجيم

ههههه شدراك؟

>ثاني شغله لاتسوي رجيم دشتي يقولك مو زين p;

رجيمي مو دشتي! رجيمي فني، حده يضحك D:

Funny Q8i يقول...

bent bond تقول...

>هههههه اذا تبي املق من جذي ترى اكو

لا يمعودة المدونات ما تستحمل اثنين يملقون بنفس الوقت ههههههه

>وافا عليك انا بسوالف السيايير اعرف وكافي يعني لما الواحد يودي السيارة الوكالة طبعا مو بروحي ويا واحد من اخواني ولا ابوي بس لازم صاحبة الحلال تكون موجودة هههههه

شكلج انتي تبدلين الدهن بيدچ ههههه


>وحق الاكل زاااااهبة ههههه ماتشوفني عرفت الصمونة

الظاهر انتي بعد بطوطه، يبيلج تمشين على الدسطور مالي ;)

BenT BonD يقول...

هههههههههه نو كومنط

Funny Q8i يقول...

'3air يقول...

>كلنا نحبه! لول
>بدال (أنا أحبه) :d

كلنا مقزرينها عليه D:

>اي صج
>شنو سطحه!

قال لچ ducati

Bronzeya_Na3oma يقول...

اعرفها السطحه اللي يشيلون فيها سيارات صح !!!!!

terkwaz يقول...

انا ودي اربح بكابون
لو نباطه @@

كله حظ اوفر :pP

AnOnymOus يقول...

funny q8i


على حسب معلوماتي المتواضعه ان الأفضل انك تسويها بدون السلري

و هم على حسب معلوماتي ان اذا استمريت عليها (يوميا) لمده شهر بس، تقدر تنزل وايــد


بالتوفيج :)

Funny Q8i يقول...

bronzeya_na3oma تقول...

اعرفها السطحه اللي يشيلون فيها سيارات صح !!!!!

صححححححح D:

Funny Q8i يقول...

terkwaz تقول...

انا ودي اربح بكابون
لو نباطه @@

كله حظ اوفر :P

حتى انا بس ضربت وللأسف على ماميش
انتهت مدت الكوبون وصار فشنق

Funny Q8i يقول...

anonymous تقول...

>على حسب معلوماتي المتواضعه ان الأفضل انك تسويها بدون السلري
>و هم على حسب معلوماتي ان اذا استمريت عليها (يوميا) لمده شهر بس، تقدر تنزل وايــد
>بالتوفيج :)

على حسب معلوماتي انا الحكمه كلها بالسلري لانه هو اللي يضعف
وهم علي حسب معلوماتي انه موزين الاستمرار عليها اكثر من اسبوعين

ويا هلا بanonymous :)

will يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

إرسال تعليق

تعليقك يهمني، بس تكفه لا تكسر مياديفي :)