الثلاثاء، 21 أكتوبر، 2008

دايت بيتزا!! لذيذة وتضحك بنفس الوقت D:



رداً على الهجوم الديكاتي اللي واضح منو المستهدف منه طبعا، معاذ وانا

وبما اني قبل يومين كنت مسوي بيتزا دايت صنع ايديه وحيات سنية

وكنت محتار شلون افتح الموضوع

ولكن الديكاتي باشا ما قصر D:

المهم البيتزا هذي الي بالصورة انا سويتها ومع انها لذيذه وايد، إلا انها ماشيه مع رجيمي ابو الدهن.

المقادير حسب الذوق

وانا من كثر برامج الطبخ الي شفتها بحياتي صار عندي حس بالطبخ

ما امشي على وصفات، وأي شي اشوفه احطه، طبعا لي ذوقي الخاص

القاعده عباره عن ٥ بيضات محيوسين ليما يصيرون مثل السانكست وينقلون بالتاوه مثل البان كيك(ااااه)

الصلصه جاهزه بعيد عن عوار الراس، بعض الناس يحبون يسوون صلصتهم الخاصه، بس مالهم خلق يسوون جبن خاص

السر في خلطتي السوبريميه

فلفل اخضر، بصل، مشروم فرش، سلام مربع ورأصني يا قدع(سلامي)، وحده همبرقر او همبرقل او مثل ما تحب تسميها

بعد ما تتسلف المقادير من الوالدة، الله يطول في عمرها، تقطعها، اقصد المقادير، وتحمسها بس مو وايد! خنت حيلي الخلطة! بس ثلاثتربع حمسة، والباجي بالفرن!

الطريقة:

صج ليش في طريقه ومافي شارعه،(ملللقني اكثر!)

القاعدة وفوقها الصلصة( يعني عمركم ما اكلتو بيتزا!)

بس هااا، السر الثاني في الجبن

انا ريال جببيين

آكل الجبن حاف!

وأي شي ما حبه بس احط معا جبن يصير شحلاته

علشان چذيه اي شي اطلبه من برقل كنق اقول لهم اكسترا چيييز، وخصوصا الابل باي!

زين فوق طبقه الصلصلة لازم ارش رشه جبن، علشان يصير جبن من فوق ومن تحت (واخد بالك معايا؟)

الحين نوزع الخلطة مالتنا واذا حبيت ممكن تحط زيتون (مقطع طبعا)، ولا مرة كليت بيتزا بيتيّه والزيتون يكون بفصمته! تقول قاعد تاكل رقي!

بعد ما تحط خلطتك وسوالفك اخاف مشتهي تحط اناناس ولا شي!


تغطي الخلطة بسبعه كيلو جبن(مو تسويها صج)

وانا احب اخلط الجبن يعني موز غوريلا ويا شيدر البرتقالي الغامج
والسر الثالث هو بعد ما تفرش الجبن، لازم لازم
واسترِس على كلمه لازم وانت تقرا

لازم تسبح وَيه(وجه) البيتزا بزيت الزيتون

ولا الجبن بيحترق قبل ما يسيح وتقزرها بيض مفيوح!

والسر الرابع

الفرن شبه على الاخير وروح طالع (تو الناس!)

ولما تصير درجه حرارة المطبخ 180 درجه مئوية

تقدر تحط البيتزا داخل الفرن بالنص

وتييب لك كرسي مال يهال وتقعد تجابل البيتزا مالتك

ويفضل كل شويه انك تفرها 90 درجة عشان تتوزع الحراره


ومتى ما صار شكلها اوكي

طلعها من الفرن ودق علي أيي اكلها وياااااك

وهذا كان السر الأخيييير

هناك 37 تعليقًا:

why me يقول...

YAM YAM


انا يوعاااااااااااانه

mo3ath يقول...

تقطعها، اقصد المقادير

لووووووووووول انا وصلت اهني جان اطيح على ويهي من الضحك D:

يبيلي اقرا الموضوع مره ثانيه علشان استوعب ولا كلش كلش اكلم امي ولا اختي وافك عمري :q

والله وطلعت شييف على سن ورمح ، وين رامزي عنك :q

عاد الشكل يشهي والله ، بالعافية عليك :)

:::ShoSho::: يقول...

لول فكره حلوه والله مع البيض اجربها..

Ducati يقول...

لووووووووول مو قبول كلش حلات البيتزا اتييك دسمه(دسمه ولاالدعيه) وهالبيبروني عليها والجبن مالها سايح يابوي

اترك عنك الرجيم صصدقني ما من وراه منفعه

:)

Bronzeya_Na3oma يقول...

توني اعرف السر في ان الجبنه ما تحترق بس تسيييييح
يمه منك طلعت مو هين =)))))))))

KuWaIt MaStEr يقول...

والله من اول ما شفتها عبالي من مطعم
شيف funny

يامعود وين الدايت البيتزا واضحه انها دسمه
اقتراحي
افتح لك مطبخ بالسرداب و تبيع بيتزا فيه صدقني تطلع لك جم بيزه

ديكاتي وايد متأثر بـ اكسبرس بيتزا

بانوراما يقول...

عاش عاش شيفنا

شرايك تفتح مطعم

و 50/50

والحسابة بتحسب

:P

Funny Q8i يقول...

why me تقول...

>YAM YAM 
>انا يوعاااااااااااانه

خلاص دزيلي السايق احطلچ صحن ههههههه

THE BOSS يقول...

عاش الشيف رمزي

وعطني ولعه

Funny Q8i يقول...

mo3ath يقول...

>تقطعها، اقصد المقادير
>لووووووووووول انا وصلت اهني جان اطيح على ويهي من الضحك D:
>يبيلي اقرا الموضوع مره ثانيه علشان استوعب ولا كلش كلش اكلم امي ولا اختي وافك عمري :q
>والله وطلعت شييف على سن ورمح ، وين رامزي عنك :q
>عاد الشكل يشهي والله ، بالعافية عليك :)

كل يوم اكتشف شي يديد :)

دير بالك هذي البيتزا تمشي مع رجيم دشتي بس p:

خلاص اسوي حسابك المره الياية، وييب ديكاتي وياك

مو ياكل ، يطالع بس هههههههههه

Funny Q8i يقول...

:::shosho::: تقول...

>لول فكره حلوه والله مع البيض اجربها..

البيض ضايع وما تحسين بطعمه ;)

وميرسي على الزياره :)

Funny Q8i يقول...

ducati يقول...

>لووووووووول مو قبول كلش حلات البيتزا اتييك دسمه(دسمه ولاالدعيه) وهالبيبروني عليها والجبن مالها سايح يابوي
>اترك عنك الرجيم صصدقني ما من وراه منفعه
:)


حبيبي هذي البيتزا ماتفرق عن العادية الا القاعدة، وهم لذيذه (:

والرجيم ماني مبطله الا اذا انت بلشت رجيمك p;

Funny Q8i يقول...

bronzeya_na3oma تقول...

توني اعرف السر في ان الجبنه ما تحترق بس تسيييييح
يمه منك طلعت مو هين =)))))))))

انا فني والأجر على الله D:

حاضرين (:

Funny Q8i يقول...

kuwait master يقول...

>والله من اول ما شفتها عبالي من مطعم
شيف funny
>يامعود وين الدايت البيتزا واضحه انها دسمه
>اقتراحي
>افتح لك مطبخ بالسرداب و تبيع بيتزا فيه صدقني تطلع لك جم بيزه
>ديكاتي وايد متأثر بـ اكسبرس بيتزا

هههه

انا رجيمي كله دسم في دسم

يبيله مشروع بيتزا تضحك!

Funny Q8i يقول...

بانوراما تقول...

>عاش عاش شيفنا
>شرايك تفتح مطعم
>و 50/50
>والحسابة بتحسب

هههه

مو مشكله بس شرط ال50 مالتچ تاخذينها بيتزا

ويا هلا ببنوراما :)

Funny Q8i يقول...

the boss يقول...

>عاش الشيف رمزي
>وعطني ولعه

عاش ذا بوس

واحلى راس فخفخينا حق ذا بوس وصلحو :)

ShaymoOona يقول...

عذااااااااااااااب صج صج بدعت يبيله والله :)

Mai يقول...

يحليلك تطبخ ؟

D:

علمني P:

تشووووووووووق ما شالله يبيله ناكلها P:

BenT BonD يقول...

هههههههههههههههههههههههههههههههه
هههههههههههههههه لا لا اليوم البوست صج كله ضحج بضحج .. خليت الناس تتشمت فيني ويقولون عني اني مينووونة

وملقنييييي اكثــــر

لاااااااا والله شكلها لذيييييذة ومفييييدة ليتل سيزر بيزا بيزا خدمت التوصيل
تكفة طلبتك تسويلي وحدة واذا تبي فلوس انا حاضرة

وعفية رجيم اللي تارس البيزا لي عينها
وبالعافية

ღ White Rose ღ يقول...

WoOoOoW

I'm lucky bcoz
<-- اول مصافحة لي هنا تكون بوجود البيزا ^_^


عليك بالعافية يا شيف رمزي ^_*

تقبل مروري .. ولك شكري

3bady يقول...

حركات طلعت اتعرف تطبخ شي شي انا بس اعف اسوي خبز و جبن :P

Funny Q8i يقول...

shaymooona تقول...

عذااااااااااااااب صج صج بدعت يبيله والله :)

هذا من ذوقچ، تراهي حلوه وتقدرين تيبين قاعدة عيين جاهزه وتطلع احسن من بيتزا هات ;)

Funny Q8i يقول...

mai تقول...
> يحليلك تطبخ ؟
>
> D:
>
> علمني P:
>
> تشووووووووووق ما شالله يبيله ناكلها P:

ما اطبخ بس الرجيم ومايسوي D:

اعوذ بالله من "الرجيم"

نطري بسوي رقم خاص حق الطلبات
1-800funnyfood

بس شنو بيتزتچ المفضله؟ يعني المكونات؟

Funny Q8i يقول...

bent bond تقول...

> هههههههههههههههههههههههههههههههه
> هههههههههههههههه لا لا اليوم البوست صج كله ضحج بضحج .. خليت الناس تتشمت فيني ويقولون عني اني مينووونة
>
> وملقنييييي اكثــــر
>
> لاااااااا والله شكلها لذيييييذة ومفييييدة ليتل سيزر بيزا بيزا خدمت التوصيل
> تكفة طلبتك تسويلي وحدة واذا تبي فلوس انا حاضرة
>
> وعفية رجيم اللي تارس البيزا لي عينها
> وبالعافية

شلون يعني شافووچ تضحكين بروحچ؟ عادي عطيهم العنوان D:

حاضر ، اول ما افتح خدمة التوصيل p;

هذا رجيم من ليس له رجييييم D:

Funny Q8i يقول...

ღ white rose ღ تقول...

> WoOoOoW
>
> I'm lucky bcoz
> <-- اول مصافحة لي هنا تكون بوجود البيزا ^_^
>
>
> عليك بالعافية يا شيف رمزي ^_*
>
> تقبل مروري .. ولك شكري

تستاهلين قطعة لأ قطعتين بيتزا تضحك D:

وريد رزو يا وايت روز (:

مرورچ أسعدني (;

Funny Q8i يقول...

3bady يقول...

حركات طلعت اتعرف تطبخ شي شي انا بس اعف اسوي خبز و جبن :P

عادي الحياة كلها تجارب والايام ياية اليوم خبز وجبن

وباجر؟!!! جبن وخبز D:

وبعدين عادي مافرقت وايد، بس حط عليهم كتچب تصير بيتزا مرقريتا هههههه

ManalQ8 يقول...

فكرة والله

هذي لازم تاخذ عليها برائة اختراع

بيتزا البيض فني كويت

:))


ما شاء الله عليك

BenT BonD يقول...

هههههه ايي وانا قاعدة عالمكتب واتكركر يقولونلي شفييج؟
على بالهم اكلم احد لاني كنت حاطة السماعة
انزين متى تفتحلك فرع بيزا؟

Jewel يقول...

شكلها لزيزة بالمره
لاني مره سويت بيض مع خضار وبشاميل
وجبن من فوق وطلعت شي شي
بس مو حق دايت ابدا حتى لو حق دشتي اتذكر كان مرره عذاب كل مااسويه ادوخ بعدها حرمت رجيمات وخسيت بدون شئ :D

kAiKa-MGroMa يقول...

hey!! @@

من صجك :\

الله يزيدنا شكر النعمه

قل الأكل عشان تسوي بيتزا على بيض ! طلعت نوعية همبرجر بالبيض ومرق باميا مع كورن فليكس


=X.

Funny Q8i يقول...

ManalQ8 تقول...

> D:":
>
> فكرة والله
>
> هذي لازم تاخذ عليها برائة اختراع
>
> بيتزا البيض فني كويت
>
> :))
>
>
> ما شاء الله عليك

---
يمعوده اخاف اقدم على "براءة" اختراع، اطلع انا المتهم بسرقه الفكرة D:

مو مشكلة خل الكل ياكل ويستانس (:

ويا هلا بمنال (:

وتحيّاT

Funny Q8i يقول...

BenT BonD تقول...

> هههههه ايي وانا قاعدة عالمكتب واتكركر يقولونلي شفييج؟
> على بالهم اكلم احد لاني كنت حاطة السماعة
> انزين متى تفتحلك فرع بيزا؟

هههه اشوه انچ حاطه السماعة، ولا جان دقو على ثلث سبعات يتللووونج ههههههههه

انشالله فرع البيتزا راح اخليج تقصين الشريط

بس على شرط تييبين الشريط وياج D:

Funny Q8i يقول...

Jewel تقول...

> شكلها لزيزة بالمره
> لاني مره سويت بيض مع خضار وبشاميل
> وجبن من فوق وطلعت شي شي
> بس مو حق دايت ابدا حتى لو حق دشتي اتذكر كان مرره عذاب كل مااسويه ادوخ بعدها
> حرمت رجيمات وخسيت بدون شئ :D

---
لذييييذه جدا حتى للي مو مسوي رجيم :)

احسن شي تخسين بدون اي شي؟

بس لابد يكون في شي معين!

ابسط شي تخفيف الاكل والمشي :)

ويا هلا بjewel

وتحيّاT

Funny Q8i يقول...

kAiKa-MGroMa تقول...

> hey!! @@
> من صجك :\
> الله يزيدنا شكر النعمه
> قل الأكل عشان تسوي بيتزا على بيض ! طلعت نوعية همبرجر بالبيض ومرق باميا مع
> كورن فليكس
>
> =X.

---

اي من صجي

مو احسن ما اخرب الرجيم مره وحدة p;

اموووووووووووت على الهمبرقر بالبيض والجبن :)

مرق باميه ما يدور عندي ولا العيش D:

بعدين لا تحطين تعليق عند واحد مسوي رجيم

ترا ياكلج ويخلص على الباجي منج ههههههههههه

ويا هلا بكيكه مقرومه

وتحيّاT

pink يقول...

اممم
البيض كلش موشي وضعه حده غلط
بس مو منك من الرجيم .
شكلها يشووق ..
بالعافيه :)

ZooZ "3grbgr" يقول...

فنفنوووو
أهدك جم يوم انشغل بالدوام
الاقيك صرت فاطمه حسين
جنك ليلحين برمضان
ماكو حجي الا عن الاكل
ودام هذي بيزا ريجيم
أبي بريد ريجيم بليز
مع ويب كريم اند ستروبري سوس
yUmmYy

will يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

إرسال تعليق

تعليقك يهمني، بس تكفه لا تكسر مياديفي :)