الجمعة، 1 مايو، 2009

باكيت!


باكيت يعني باك يعني رجعت، مو باكيت زقاير!

اشكر كل الي ما اسألوا عني وانا غايب، واقول زين انكم ما سألتوا لأني ماكنت راح ارد عليكم!

صراحتن كنت مشغول وايد وماسك كذا مشروع بوقت واحد ومو فاضي احك راسي!!!

لا مو صج!

الصج اني كنت مفلس والانترنت كان مقطوع والموبايل مقطوع مابقى الا الشسمه تنقطع علشان تكمل!!

الشسمه الي هي الكهربا!

مع انها ساعات تنقطع، قبل جم يوم بس قعدت الصبح على غير عوايدي، وِلّا البيت شي شغال وشي طافي، اقصد الكهربا، اجيك البوكس، الفيوزات اوكي شغاله!

دقيت على طواري الكهربا، والحمدلله بعد ساعتين رجعت الكهربا.

ابيخ شي لما تنقطع الكهربا! خصوصا بالصيف!

هي اذا يت علي انا مو مشكله اطلع مني مني ان شاء الله اقزرها قز بالسيارة، بس حظي انا القطاوة وحوض السمج، يعني مو شي زاخلي اثنعش قطو بالسياره وقاعد اتمشى بشارع الخليج!

ارجع حق سالفة الفلس.

الفلس يؤدي الى السلف لأن سلف عكس كلمة فلس، واثنينهم يؤدون الى بعض، اذا تسلفت بتفلس واذا فلست بتتسلف.

انا اذا فلست ما اتسلف، الا في الشديد القوي، بس الي اسويه هو اني اشوف الي انا مسلفهم اذا لهم نية يرجون لي فلوسي، اقول يالحبيب جنك مصختها، الفلوس الي قاعد تسافر فيها وتلعب فيها ترا فلوسي، اذا ما عندك مانع يعني، رجعهم!

الفلس حاله ممكان تصيب اي شخص مهما كان غني، الفرق انه الغني يشهر افلاسه، بس الفقير الناس تدري انه حافي مفلس! انا الحين قاعد اشهر افلاسي بالنت. والي يقرا البلوق ويعرفني شخصيا يعرف ليش انا مفلس.

الدنيا دواره ويوم مفلس ويوم مادري شسوي بالفلوس!

الفايدة الوحيدة من الفلس انك تعرف منو الزين ومنو الشين من الناس الي تعرفهم.

في ناس ناطرين الواحد يطيح علشان يكتون العيش فوقة ويسوونه قوزي ادمي ويعزمون ربعهم! وفي ناس تشيلك.

المهم بس علشان تنفرج العقدة مالت الكتابة. "ومن شر حاسد اذا حسد" راح انشر البوست الي صارلي شهر وانا كاتبه وماني عارف اخلصه بسبت عين واحد يعرف نفسه عدل! فمشو حالكم بهالبوست وترقبوا بوستي الياي عن دخولي المستشفى!!!

وتحيّاT

هناك 20 تعليقًا:

.. للكلمات بقية يقول...

صباح الخير
الحمدلله على السلامة
بييه الله يعينك على ماصار فيك
بعد هذي خيره
عسى ان تكرهوا شيأ فهو خيرا لكم

يعطيك العافية

طموحة مملوحة يقول...

ولكم باك يالغالي انت وينك من زمان ؟؟؟

بانوراما يقول...

الحمدلله على سلامتك

وولكم بـآآك

نوورت البلوقر

Enter-Q8 يقول...

اول شي ما تشوف شر
ثانياً احسن شي انك تعيش مفلس
يعني عارف نفسك
بس بتقعد تقضيها أماني و تغني اغنية عبادي الجوهر
ما على الدنيا عتب كل ما فيها أماني
تدري اشلون بيع القطاوة يمكن تنفرج

Eman يقول...

welcome back

o salamaaat matshoof shaaar :)

although ga3ed tet7al6am bas still ur sense of humour going there lol

missed ur funny posts

just a bunch of thoughts يقول...

welcome back :)
wo matshoof shar

Maraamey يقول...

عود احمد
D:

Ducati يقول...

ولكم باكيت

يعني ولكم باك لووول

حلوه الفلس والتسلف والفلس يازتلي المصطلحات لووول

المهم يالله عجل بالبوست والحمدلله على السلامه دامك طلعت من المستشفى

:)

Funny Q8i يقول...

للكلمات بقية

الله يصبحك بالخير ويسلمك يا رب من كل شر

حياك حياك ، نور البلوق :)

وتحيّاT

Funny Q8i يقول...

طموحة مملوحة

اهلييين (:

خليها على الله (;

وتحيّاT

Funny Q8i يقول...

بانوراما

الله يسلمج

البلوقر منور باصحابه p;

عاد ولهان على السطوح D:

وتحيّاT

Funny Q8i يقول...

Enter-Q8

تسلم يالحبيب (:

الفلس شر لا بد منه

والقطاوة ما اقدر ابيعهم حتى لو ابي ):

خليها على الله (;

وتحيّاT

Funny Q8i يقول...

Eman

هلا امون

تمسيوج العافية p;

اي مس يو تو.
وتحيّاT

Funny Q8i يقول...

just a bunch of thoughts

سانك يو بيري متش p;

وتحيّاT

Funny Q8i يقول...

Maraamey

لا عود سالمين p;

اممممملق خخخخ

وتحيّاT

Funny Q8i يقول...

Ducati

هلا بالديكاتي

الله يسلمك هي ولكميت باك p;

زين يازت لك السافه بس الله لا يقطك في ساحة الفلس p;

وتحيّاT

ReLaaaX يقول...

ولكم باكيت ..
وماتشوف شر

يالله ماعليه هذي الدنيا ، يوم مفلس ويوم مومفلس :p

عادي عادي طبيعي الوضع كل كويتي لازم يمر بمرحلة التفليس وكل واحد وشطارته شلون يكيف نفسه لحد ماتنحل المشكله :)

msha3erha يقول...

هلا و الله
كنت كل يوم اجيك اذا حطيت شي يديد و هالاسبوع لاني ما جيكت نزلت بوست لوووول
عادي عادي كلنا مرينا بحالة فلس و انا الحين امر فيها صراحتن لووول
شسالفة المستشفى سلامات .. يالله لا تطول بالبوست اليديد

kAiKa-MGroMa يقول...

welcome back dear

ana glt akeed sa7abat 9aif

;)..

Abdullatif يقول...

مرحبا - انا ز كلمتك قبل القطوه ولدت ولا بعد (ابي وحده صغيره ) مشكور

إرسال تعليق

تعليقك يهمني، بس تكفه لا تكسر مياديفي :)