الثلاثاء، 17 فبراير 2009

قطاوت Funny!

CATBasket3

الشهر الي طاف حطيت اعلان بمركز سلطان حق قطاوة، وعادةً اكون طابع الاعلان عند المصور، بس هالمرة كنت بمكتب واحد من الربع وقلت خل اطبع الاعلان عنده.

كنت منزل اعلان بعرب نوكيا وكانت فيه هالصورة، فدشيت على السايت وطبعت الصورة وكتبت عليها بالقلم للبيع قطاوة ورقم التلفون.

الامر اليديد هو انه الصورة كان مكتوب عليها Funny Q8i!

اوكي وايد حطيت اعلانات قبل بس هالاعلان صج انشخلت اتصالات وبصراحة عمره ما احد دق علي على اعلان كثر هالمرة! عاد ياريت شرّايه! بس يسألون!Tongue

وانا ما يذبحني الا الي يقولي دز عنوانك مسج وهذا ويه الضيف! At wits end

لا ويسألون اسئله غريبه مثل “شنو اسمك؟ انت متزوج؟ بيحلون المجلس ولا لأ؟!!!” Time out

بذمتكم منو شاف الاعلان وقال اوه هذا Funny Q8i!!! خل ادق استعبط عليه شوي ؟Rolling on the floor

catpana

هناك 37 تعليقًا:

صبا يقول...

وااااااااااااي حلاته والله

يا زينهم إيننوووون

أموووت على القطاوه الصغار

عندنا وحده شي مو طبيعي

دلووووعه حدها ...ومناشبه الايقو واللابتوب

ولا مراااات تيي تقعد يم اللابتوب وتطل على الشاشه وتلمسها بإيدها يختي عليها تشوق دلوعه

بسإلك القطوه لي متى واهي تعض على بو انها تلعب
اهي الحين عمرها 4 شهور من تشوف ايدي والا اي شي تعض صج ما يعور بس يننتنا ؟؟؟؟؟؟

خووووش بووووست

تحياتي
:))))

صبا يقول...

الاولى

:)

طموحة مملوحة يقول...

انت مينون @@@؟؟؟

سوري بس حرام عليك ليش تبيعهم .. تدري ان عيوني دمعت من صوة القطاوة ماعندك قلب ؟؟ لا تخليهم لا تستغنى عنهم .. امبي انا لو امي ترضى جان شريتهم كلهم من صجك ... اذكر مرة يتني قطوة هدية واتينن والله بجيت لمن امي هددتني انها بتقطها ... لأن القطاوة اييبون الهدوء والله حرام عليك لا تخليهم ... اخيي بجم الوحدة ؟؟ ودي آخذهم والله حرام تخليهم ... ماحبك والله :( سوري بس هذول المفروض يكونون اصدقائك .. تدري اناالقطاوة اذا حبوك ما يخلونك ؟.؟ والله كانت عندي قطوة تقعدني كل يوم الفير علشان اصلي واتريق واروح المدرسة كل يوم نفس الوقت .. امبي والله ابوي عادي بس امي الله يهداها كل ما اشتري قطوة تقطها :(

TruTh يقول...

واااي ياحلوهم قطاوتك انا من زماااان يانّة عليهم حدهم كيوووووووووت ماشاالله و شكلهم حدهم مؤدبين بعد
:)

بس اهم شي الأسئلة اللي سألوها اللي داقين عليك لووووووول بدعوا D:

و تحياتي لك خيو

swan.beach يقول...

سلاام
بعد انت اسم الله عليك احد يكتب النك نيم ويحط الرقم وما يبي احد يتصل عليه

الاهم شخبار قطوتي البيج ان شاءالله بخير p;

حلاتها والله تينن بالصووره D:

BenT BonD يقول...

ههههههههههههههههههههههههه
اشعليييييييييك صرت مشهووووووور الكل قام يعرفك ويرقمك ويبيك يه يه يه هنيالك

مساكين هالقطاوة بصيرون أيتام؟!! لوول
عاد اكو احد يبيهم صج ولا الكل يتحرشون؟؟

والله عاد شكلهم يونس ويننون بس للأسف انا وحده خوافة اخاف اجيس القطاوة
عادي يتمشون يمي بس اخاف اجيسهم
لو ما اخاف جان انا اول وحده اشتريهم منك

يتربون بعزك ان شاء الله
وديير بالك عليهم

lawyer يقول...

مع تقديري لك و احترامي الشديد لقطاوتك

بسسسسس جد اشلون اتحملونهم في البييييييت


انا ما اواطن القطاااااااوه





بس ترا عادي كويت اللقافه

يدقون تحرشششش

{~المباركية~} يقول...

صدقني داقين عليك لأنه على بو انه انته مدون
ونص الي دقوا عليك هذيلا مدونين قالوا اووه هذا فني كويتي خل نتصل عليه نسمع صوته نسوي نفسنا بنشتري قطو


اكتب ملاحظه " البيع لايتم على المدونين "

Enter-Q8 يقول...

أنزين بيطيحون القروض و الا لأ
هههههههههههههه

kakawaa يقول...

وااااااااااااااااي

حدهم ايننووووووووون

انا ابي صج صج صج صج وحده اذا صج صج صج صج بتبيعهم

malak يقول...

واااااااي ايننون


اهم شي اللي يدقون لووووول



حسافه اهلي مايرضون اربي قطوه :(

يتربون بعزك :)

Aurous يقول...

يحليييييييييييلهم... يهبلوووون!
حدهم كيوت... مع اني عادة ما احب القطاوة بس هذول ما شالله اييننووون ^_^

mo3ath يقول...

شلت الاعلان ولا بعد ؟ P:

المشكله عندنا ياهل بالبيت وذاك اليوم يبت وحده وتناجرت مع امي اقولها خل اخوي وبنته يطلعون لوووول جنك تدري انا والقطوه طلعنا بره D:

kuwaiti7lewa يقول...

يهبلووووووون

وناسه شكلهم حلويين

ودي بوحده بس يبيلها واححد فاضي ينظفهم وينظف مكانهم

ويربيهم واكلهم


لووويه

ودك تستانس فيها وغيرك يعتني فيها


لوووووووول

غير معرف يقول...

يعني ليش هل التحطيم و هل الصور :"(
ذكرتني بقطاوتي الاعزاء الأشقياء
و بسيدة القطط مشمش هانم الدرملي :((

Eman يقول...

كيووووت

جم اعمارهم؟

Funny Q8i يقول...

صبا

اي تدرين ليش مناشبه الايقو واللابتوب؟

تبي تشوف ربعها عند بلوق Funny Q8i ههههه

وخلاص مدام عودتيها على العض بتظل تعض

وراح تصير العضه اقوى اذا كبرت

والله يعينج p;

انا عندي "لاتيه" جذيه يعض، بس انا اطقه اذا عض p;

مو حيل بس علشان يتأدب

عاشت صبوحة (;

وتحيّاT

Funny Q8i يقول...

طموحة مملوحة

اي انا مينون علشان بعتهم p;

كان لازم اخليهم ليما يكبرون ويصير المجموع ٢٤ قطو كبير

امج لو تدري انه عندي ١٢ قطو راح تمنعج انج تعلقين عندي خخخخخ

وتحيّاT

Funny Q8i يقول...

Truth

والله يعورون القلب

وانا غصب قاعد ابيعهم

لأنه اونس شي واهما صغار حيل يونسون

وتحيّاT

Funny Q8i يقول...

swan.beach

اهلا اهلا الحمدلله عالسلامة p;

قطوتج بعتها من زمان D:

انتي اذا امج ما تبي قطاوة عطيني فلوسها ومصرفها وانا اربيها عنج خخخخخخخخخ

وتحيّاT

Funny Q8i يقول...

BenT BonD

والله ما يندرى يمكن من الي شروا كان بلوقر ولا يقرا p;

مادري ليش احد يخاف من هذا الكائن البريء !!

يتربون بعز الي شراهم p;

وتحيّاT

Funny Q8i يقول...

lawyer

لو خليت لخربت هههههه

اصابج مو سوا

والي ايدق خل يستانس ماكو مشكله بس ايقول لا يستحى p;

وتحيّاT

Funny Q8i يقول...

المباركية

مدون على عيني وراسي

دق، سولف, علق، اضحك

بس ما تشتري قطوة؟!! ازعل منك خخخخخخخخخ

وتحيّاT

Funny Q8i يقول...

Enter-Q8

والله اجاوبك بس على شرط تشتري كل القطاوة الي عندي هههههههههههه

وتحيّاT

Funny Q8i يقول...

kakawaa

عندي دفعه يديدة يبيلهم بعد اسبوعين على ما يكبرون اشوي

اذا تبين دزيلي ايميل على funnyq8i@hotmail.com

وتحيّاT

Funny Q8i يقول...

malak

تسلميييين (:

لا يمعوده انتوا شكل العيله كلها حساسية من القطاوة

انتي متأكده انج ما دقيتي p; ههههههه

وتحيّاT

Funny Q8i يقول...

Aurous

اي والله انا قطاوتي ينحبون ما شاء الله عليهم

ولو تشوفينهم بالطبيعه لازم تاخذين لج وحده (;

وتحيّاT

Funny Q8i يقول...

mo3ath

اي يبه من زمااااان

بس عاد ظلوا ناس وايد ايدقون! يعني مخزنين الرقم (Funny)

;p

يا خاين تشتري قطوة من واحد غيري!!!!

عاد شنو نوعها؟

والله انا شاك فيك، لايكون انا الي بايعك بس p;

وتحيّاT

Funny Q8i يقول...

kuwaiti7elwa

والله يبيلها مجابل وشغل

واذا عندج خدامه اوكي

هذا اذا ماذبحتها p;

انا لولا الخدامة جان انتحرت!

بس ما كان راح ينفع لأني صرت بتسع ارواح مثل القطاوة p;

وتحيّاT

Funny Q8i يقول...

غير معرف

ماعرفها! منو مشمش الدرملي! قطوتج سابقاً؟

وتحيّاT

Funny Q8i يقول...

Eman

حسب الصورة كان عمرهم شهر

هلا امون (;

وتحيّاT

mama7iaty يقول...

ااااانا بشتري حق chewy نثيه عندك
chewy عمره سنتين ثقيل دم ومليق يبناله وحده ماعجبته يطالعها بنص عين .

راقصة على أوتار الغنج ، يقول...

أمبييييييييييييييييييييييييييييييييه !!
عسسسسسسسسسل ، كربووووووووووووووووووووووووووونْ ..
ايننننننووووووونْ أمبيه عذاااابييي القطاوااا ..
كان عندي قطوط اسمه " نزار قباني " p; اينن نفس اللي لونه ابيض الي عندك و عيونه خضرا و عمره 4 أشهر ، ابوي باعه عاااا :( ما يرضى قطاوا بالبيت .. امبيه ابي قطاوتك بليز =( ..
لا تبيعهم والله امبيه عوار قلب حرااام ..
امبيه احبهم دمه خفيف ، سيّفت~ الصوره بعد اذنك ;P

Funny Q8i يقول...

mama7iaty

سورري حدي متأخر

اول لازم اسأل عن Chewy وين يشتغل، جم معاشه، تكانه ولا عنده خرابيط p;

عندي توني وامها هيزل وام امها مامي، منتجين ما عدا توني ناطرة ولد الحلال p;

عموما لمزيد من التفاصيل ممكن نتواصل على المنسجر

FunnyQ8i@gmail.com

وتحيّاT

Funny Q8i يقول...

راقصة على أوتار الغنج

مو انا اذا ما ابيعهم بيظلون ويا الكبار ويصيرون بدال الاثنعش اربع وعشرين وساعتها بفتح حديقة حيوانات D:

وتحيّاT

DeHn-eL3oOD يقول...

هاااي
انا غرااامي القطاااوه بس شلون انا بالبحرين في توصيل للمنازل =q

وعلى سالفة اللي يتصلون ويتحرشون انت اللي يبت الحجي حق روحك
لوووول
المهم اذا في توصيل للمنازل قول لي =q

غير معرف يقول...

لو سمحت بجم الوحده يبت 2 وكنت مسافره والسايق طردها والثانيه توتو:( احبها:( وربي راحت بعد :( بس بجم الوحده ؟؟ لو سمحت ؟ والاعلانات اي مركز سلطان اي منطقه ؟؟ اذا الري مادري وين وين اي صوب الاعلانات عشان بدور لي جلب وصج القطوه تيييب عقم امانه؟ امي تطردهم عشان جذي بليييييييييييييز:(

إرسال تعليق

تعليقك يهمني، بس تكفه لا تكسر مياديفي :)