الخميس، 12 فبراير 2009

غبار يونس!

ghbar 1

ساعات الانسان يكبر الامور على تفاهات، مثلا قبل مدة الدرج مال السيارة فلت وانا اسكرة واشوف انه في شي انكسر وما قدرت ارجعه مكانه!

ظل الدرج مقطوط بالسيارة حول الشهرين! بس لأني مالي خلق اروح الشويخ، ويتراوالي انها سافه تطول وحوسه وتكلف مليون دينار!

طلعت امس بالغبار وكانت الرؤية ضعفية يعني بعد المية متر ما تشوف شي!

كان مزاجي عالي، وابي اتمشى، قلت بتمشى والي فيها فيها!

ghbar 4

مريت يم الغانم مال قطع الغيار، قلت زين على دربي اشوف سافة الدرج.

ghbar 3

طليت على الدرج وشغلت الجمجمة ولا القطعة المكسور عباره  عن كلبسه صغيره!

سألت عنها وما راح تصدقون بجم طلعت!

  ghbar 5  

اربعمية فلس الوحده، يعني الثنتين بثمنمية فلس!

ghbar 2

خذيتهم وركبتهم عالسريع ورجع الدرج مكانه بعد طول غياب!

زين الدرج وحصلناله كلبسات، بس قلبي لي انشلع من وين ايب له كلبسااااات؟!!

هناك 22 تعليقًا:

حياتي هدف مو عبث يقول...

ماشاء الله شلعتة من عرجة

وتيب كلبسات حق قلبك من اللي شلعهم

:p

سبمبوت يقول...

مبروك .. فلت منها هالمرة .. بس آنا بغيت ما افلت

اقرا قصتي وتعرف الغمندة

http://sebamboot.blogspot.com/2009/01/blog-post_11.html

vancouver يقول...

الكلبسات حق قلبك ينباعون بعقلك
على ثمانميه دمعة
بس

عقبها قلبك يرتااااااح ويطيييييب
:)

ZooZ "3grbgr" يقول...

هم الصور عندي أحلى

لوووووووووول

قاعده احوس أشوف في أحد عطى الغبار حقه مثلي

أصلا آنا صوري حببت الناس بالغبار

على طاري كلبسات القلوب

سمعت إنهم نزلوهم بالصناعية بشرق

بس حمر عشان الفالنطاين

:")

BenTBonD يقول...

هههههه يعني كل هالنطرة والدرج مقطوط بالقاع واخر شي مايبيله الا كلبسات على 800 فلس
والله انك ربادي
لو معطيني سيارتك من الاول جان رديتلك اياها جنها يديدة

والله الغبار نعمة بس محد حاس فيه
الواحد يقول الحمدالله على كل حال


وقلبك يبيله مطرقة عشان يتعدل هاهاهاي

enter-q8 يقول...

يا معود انا ادور العذر علشان اقعد بالبيت

Fahad Al Askr يقول...

أظن الغانم عندهم كليبسات حق القلب المشلوع، وإذا ما لقيت عندهم مر الغنام أكيد بتلقى، هذا إذا كان قلبك أمريكي

Engineera يقول...

لوووووول .. شفت العيز وما يسوي لو مركب الدرج من شهرين ب 800 فلس مو ابرك من المنظر الي كنت تشوفه شهرين تقول سيارة مقاول :q

والغبار ترا نعمه .. الغبار يكون طبقه على سطح البحر يتغذى منها السمج وبجي سمجنا بيصير مربرب يعني شفتو الفايده الي ما كنتو حاسين فيها .. كل هذا اخرته ببطونكم ..

كلبسات القلب مممممممم ..
انا شالعتهم و رابطه قلبي بسيم علاق ارخص واوفر و اضمن ;)

Love Moments يقول...

بنظر الدرج يكسر الخاطر وااايد "شنيع" حراام عليك !!

واذا تبي كلبسات حق قلبك انا انصحك لفه بتيب ازرق وغن "الدنيا ربيع "
;q

Funny Q8i يقول...

حياتي هدف

اييييي من القهر p;

والي شلع قلبي باقه وخلع

وعساه ما يتهنابوه p;

وتحيّاT

Funny Q8i يقول...

سبمبوت

قريت والوكالات *)&^&٪$@

الله لا يحوجنا لهم!

وتحيّاT

Funny Q8i يقول...

vancouver

والله صراحه يبتيها

وااااااااا وااااااا p;

بس عيوني راحت من البجي خخخ

ابي قيقب شلون p;

وتحيّاT

Funny Q8i يقول...

ZooZ

شكرا

ماني مطلع كاميرتي الي ماني قايل بجم شريتها بالغبار /:

مابي كلبسات الفلنطين! هههههههه

قلبي شكله يبيله لحيم p;

وتحيّاT

Funny Q8i يقول...

BenT BonD

خلاص افا عليج مري باجر اخذيها

سويلي فووول سيرفس p;

قلبي يبيله مو مطرقه، الا قولي طراقات خخخخخخخ

وتحيّاT

Funny Q8i يقول...

Enter-Q8

حتى انا بس كنت طالع بشغله وخلصت مبجر وقلت خل اقزرها (;

ابشرك نزلت كيلوين p;

وتحيّاT

Funny Q8i يقول...

فهد العسكر

قلبي امريكي بس موديل قديم ما عندهم الا طلبيه p;

حياك الله في تعليقك الأول

وتحيّاT

Funny Q8i يقول...

Engineera

اي والله شفتي شلون!

لا والله زين ابي غبار حق حوض السمج شلون؟! p;

والله انتي شكلج قلبج مشلوع ومركبه مكانه طرمبه بانزين خخخخخخخ

وتحيّاT

Funny Q8i يقول...

violeta

اي والله اخيرا انحلت مشكلتي وارتحت (;

قلبي اخرتها بصمغه بصمغ حراري نفس نفانيف هالايام خخخخخخخ

وتحيّاT

غير معرف يقول...

لووووووووووووووووووول عليك سوالف .. لووووووووووووول حدك عجيب والله

كل غبار وانت بخير يارب

صبا يقول...

مبرووووووك

زين صلحت الدرج ب 800 فلس

بس يا خوي القلب اذا طار انشلع... يشلع الروح معاه

ما يمديك تركبله دعاميه ما تصيده

بس يمديك تشتري كلنكس ال 6 بدينار

وسلامة قلبك
يا خوي

جم صار وزنك
:))

Funny Q8i يقول...

طموحة مملوحة

ان شاء الله دوم مستانسه

عقبال المطر (;

وتحيّاT

Funny Q8i يقول...

صابوووونه p;

تقولين كلينكس ايييييي

الكلينكس حق البجي زين وايد

اذا انشلع القلب وطارت الروح وياه شنو بعد يبقى للواحد؟!

يقزرها بليستيشن وايد ابرك p;

وتحيّاT

إرسال تعليق

تعليقك يهمني، بس تكفه لا تكسر مياديفي :)