الجمعة، 6 فبراير 2009

بعض الناس!


بعض الناس ما يحسون على دمهم!


بعض الناس ما عندهم احساس!


بعض الناس ما عنهم دم!


بعض الناس حزرة!


بعض الناس انانيين!


بعض الناس ودك ينفذون فيهم حكم الاعدام بساحة العلم!


بعض الناس ياكلون ويمشون ايدهم بالطوفة!


بعض الناس ودك تقول لهم روحوا موتوا!


والبعض الآخر من الناس


تحطه على الجرح يبرا


بعض الناس ودك بس تسمعهم يتكلمون بالساعات وانت تسمع وتستمتع


بعض الناس ودك بس تشوفهم حتى لو ساكتين هم تستمتع


بعض الناس ودك تعيش العمر كله وياهم، واذا مت ودك بالجنه تشاركهم


وليش؟


بعض الناس ما يدرون عن هوا دارك


وبعض الناس اذا رحت يمين راحوا يسار


وبعض الناس اذا قلت لهم احمر قالوا لأ أصفر


الناس عبارة خليط من بعض الناس


ليش؟


بعض الناس يستمتعون بتعليق الآخرين؟!


ويجربون فيهم!


مع انه من الأولى لهم انهم يجربون على الحيوانات اللي مثلهم!


وماتدري ولا هم يدرون ليش يسوون جذيه!


بس عايشين يشربكون ويكروتون!


بس لازم الانسان يتعض من هالحياة


لأنه لازم يمر على بعض من هذا وبعض من ذاك


بس للأسف مافي ليبل يقول لك مع أي البعض انت قاعد تتعامل!

هناك 4 تعليقات:

mo3ath يقول...

منو من الناس الي مزعلك ؟ :)

BenTBonD يقول...

شسالفة يبا؟ عسى ماشر؟؟
لا لا كلش هذا مو نوعك

لا تعور قلبك وتحر نفسك وتفكر وايد
ريح نفسك واقعد مع الناس اللي يريحونك ويونسونك والباجي اسحب عليهم السيفون على قولة اخوي

هالزمن تغير يا فني كويتي وكلمن يقول يالله نفسي محد قام يهتم باللي جدامه وحواليه كلمن يقول ابي احد يهتم فيني انا بس وانا ما اهتم فيه

نادر ماتشوف احد يهتم فيك وبنفسه.. بس انت شوف هالناس اللي تهتم فيك وبنفسهم ويحبونك ومالك شغل بالباجي
شوف الناس اللي يدورون راحتك ويحبون لك الخير
وصدقني اكو من هالنوعية بهالزمن هذا بس انت وشطارتك شلون تحصلهم

Funny Q8i يقول...

mo3ath

بعض الناس p;

الي انت مو منهم (;

وتحيّاT

Funny Q8i يقول...

BenT BonD

سالفتي ماتسولف (;

بعض الناس على راسي

وبعض الناس طرششششششش!

(يعني سحبت السيفون) D:

وبشوف اخرتها وياهم p;

وتحيّاT

إرسال تعليق

تعليقك يهمني، بس تكفه لا تكسر مياديفي :)