الجمعة، 16 يناير 2009

موبايل مي


بعد ما طورت الآيفون صار في معنى اكثر حق استخدامي حق خدمة موبايل مي مالت ابل، واللي ما يعرفها فهي عباره عن مجموعة خدمات منها ايميل وويب سايت تحط فيها اللي تبي من صور، بلوق، كالندر، إلخ إلخ إلخ،،،

اهم شي عندي الكالندر يعني الرزنامة، لأني احط فيها دايماً الأشياء اللي سويتها والأشياء اللي ابي اسويها علشان اعرف متى سويت ومتى راح اسوي اي شي. شريت، بعت، طقيت احد خخخخخ لا مو من النوع اللي يتهاوش p;

انا اكتب بالكالندر من 2004 ليلحين، يعني اقدر اطلع متى شريت أي شي، مثلا جم بريد اكلت، وجم مره سويت دايت وجم مرة خربته! منو سلفته ومنو أهديته، ومنو ليلحييييين ما رجع الفلوووووس!! الحچي لج يا جارة اذا قاعد تقرا!! ثلاث سنيييييين حرام عليك!!

في البداية كنت اكتب على رزنامة العجيري، وبعد سنة صرت اكتب باللابتوب، وايد احسن علشان البحث السريع، وعلى مدار الثلاث سنين اللي طافوا كنت اسنّك مع الموبايل، كان عندي آيميت جاس جار، وبعدين دشيت بالآيفون، اول واحد فتح الآيفون بالكويت(Hardware) كان آنا والعياذ بالله من هالكلمة، المهم مو هذا موضوعي، موضوعي اني كنت اسنك الكالندر مع الآيفون عن طريق الآيتونز، بس الحين مع اشتراك موابايل مي والڤيرجن اليديد من الآيفون صار اي شي اضيفه بالآيفون يبين بالكمبيوتر تلقائيا، من أسامي، أرقام تلفونات، مواعيد، وهم بالعكس.

حتى لو يضيع الآيفون، عادي، ما احاتي اي معلومة لأنه تتسنّك مع الموبايل مي كلاود اللي اهيا الغيمة اللي طالعين لنا فيها الحين، بدال ما يقولون انترنت صار اسمها غيمة!!

يعني اذا انترنتي صار بطيء بصلي صلات الاستسقاء يمكن تمطر وتصير النت أسرع!

أمس قلت بما إني بسنّك الأسامي، فقعدت لها قعدة على الكمبيوتر في برنامج الأدرس بووك، واشوف الأرقام اللي من سنة الطبعة، واصلح الأرقام الي ناقصة الزيادة، واشيل البيرث دي الي الويندوز حطه على كيفه! وامسح أسامي الناس اللي ما اذكرهم!! والناس اللي ماتوا اشيلهم، الله يرحمنا ويرحمهم.

طبعا الموابايل مي يكلف 100$ بالسنة، الا اذا تشتريه من امازون يصير ب69$ وتحصل 20 قيقا تخزن فيها اللي تبي! هم غالي بس كافي سالفة التسنيك مع الآيفون (;

هذا باختصار،،،
وتحياّT

هناك 9 تعليقات:

kAiKa-MGroMa يقول...

nice

wanasa

la '9aya3 b3d elyoum

D=.

mo3ath يقول...

اي الخدمه عنيفه بس اعرف نفسي مااستخدمها علشسان جذب مااشتركت فيها ، بس سالفه 3 سنين لوووووووول دزله مسج بالفلط P:

الكالندر مالتك عجيبه شكلي ببوق فكرتك واسوي نفسك ولا عيل شفايدتها بس احط مواعيد العروس والامتحانات P:

انا قعدت قعده على الكونتاكت ملوتي و"تقريبا" ضبطت كل واحد بالاسم والايميل والصوره علشان لاصار ماصار إلا البيانات كلها موجوده ;)

mo3ath يقول...

تقول صلاة استسقاء لووووووول

غير معرف يقول...

wooow
i love the clouds idea it has been on my mind for a longtime bs matwqt t9er sij
=))

مرامي

ZooZ "3grbgr" يقول...

ممممممممممممم

ممكن نسخه من كالندرك اطقطق فيه هالويكند؟

:")

Funny Q8i يقول...

kAiKa-MGroMa

ان شاء الله ما اضيع p;

وتحيّاT

Funny Q8i يقول...

mo3ath

خخخخخخ عاد يحسسسسسسسسسسسسسسسسسس على نفسه؟!

شوف يحس شطولها من القهر!

شي حلو انك ضبطت الأسامي، ويفضل انك تسوي باك اب

بالادرس بوك دش على File/Export/Address Book Archive

واحفظ الفايل احتياط

انا جذيه اسوي كل مدة لأنه ساعات حتى التسنيك يعتفس وتروح ارقام بالغلط!

والكالندر، خوش حركة، جربها مابتخسر على قولتهم p;

وتحيّاT

Funny Q8i يقول...

مرامي

والله طلعتي قييك وانا مادري D:

شكثر صار لج بالكمبيوتر؟

وتحيّاT

Funny Q8i يقول...

ZooZ

البرنامج اسمه iCal

تلاقينه بالابليكيشنز فولدر

طلعتي ماكيّة وانا مادري!

وتحيّاT

إرسال تعليق

تعليقك يهمني، بس تكفه لا تكسر مياديفي :)