الاثنين، 12 يناير 2009

اخيراً طورته!


امس قررت بعد طول انتظار اني اطور أفيوني!! أقصد آيفوني، والسبب في تأخري كان الكسل عن تفريغ الملفات الزايده فيه يمين ويسار.

أول شي نقلت كل شي بالجهاز، بعدين مسحته لعنت والديه (ستيڤ جوبز وبيل قيتس!) وبعدين طورته لي ڤيرجن ٢,٢ واللزي منو!

وأهم شي اني ركبت العربي من النت، كلفني ثلاثين دولار، لا مو ثلاثين! تسعة وعشرين دولار وتسعة وتسعين سنت، يزاه الله خير اللي طيلحي هالسنت!......لا هنت!

الحين اقدر ادز بوستات من الآيفون بالعربي لا وأعلق بعد! يعني من أرض الحدث الملاقة بتصير حار بحار p;

هناك 14 تعليقًا:

nanonano يقول...

ونـــــــــــــــــــــــــــاسه

البوست كاست

enter-q8 يقول...

مو من ربعكم انا اذا ما اجابل الجهاز و الشاشه كبر المكتب وشاي كشري
و باكتين زقاير و الا ما ميش

Engineera يقول...

حلو والله ..

عاد قبل يومين يابه لي اخوي يقولي اذا جبج اخذه لج شفته وتمعنته لقيت نفسي ما اعرف له او بالاحرى مالي خلق اتعلم عليه و رفضته .. بس حلو والله استخدامك له مبين انك محلله

مبروك التطوير

ZooZ "3grbgr" يقول...

فنفن
الآي فون توني ماخذته
صدمني مااااااااااااكو اوبشنز!!!!
متعوده على السيتنقز تكون فوق 20 صفحه!!!
وبعدين وين الفوروورد حق المسجات!!!!!!!!
موبايل مافيه فوروورد مو صج
ووين البلوتوث
بدز صوره حق موبايل بنت اخوي
اكسبيريا سوني اريكسون
فشلني حسبي الله عليه
تقولي هديتي السوني اريكسون عشان تفتحين صفحات انترنت!!


الفيرجن ماله 2.1

شكلي ببيعه!!!!

عندك شراي؟؟

استعمال 10 ايام

:\

اصلاً كافي اناملي لمسته

joe يقول...

يه يه يه خوش شي طورت افيونك
يعني تقدر 24 ساعه تكون متواصل معانا

mo3ath يقول...

ماكان زمان ياخويا

وصلك الايميل ؟ :)

لو تجرب بعد الابليكيشن مال الفيس بوك وتويتر مايطيح من ايدك نفس حلاتي P:

BenTBonD يقول...

يا عيني يا عيني عالكشخة الكاملة
شالزين شالزين .. ولااا بعد ملحف الآي فون جنه صج
مبروك التطور والتطوير الزايد

عاد الحين مالك حجة كلش عشان مانشوف بوستات كل يوم

Funny Q8i يقول...

nanonano

يا هلا بنانو

تونسج العافية (:

وتحيّاT

Funny Q8i يقول...

Enter-Q8

طبعا بوستاتك دسمة ما ينفع طياري p;

ولا منو بيفتح فوتوشوب على التلفون D:

هذا مال صورة، تعليق صغير

تقرا بوستات عالسريع وانت بالإزدحام

وتحيّاT

Funny Q8i يقول...

Engineera

والله الجهاز سهل وما يبيله شي

بسيييط حده، حتى ما فيه ميزات وايد

شنو هالجهاز الي مافيه الا اربع دقم

وعلى حسب الشخص!

يعني اذا ما عرفتيله ما راح تستانسين عليه!

بس عطيه فرصة اكثر

شوفي باليوتيوب فيديوات وايد عنه (;

وتحيّاT

Funny Q8i يقول...

ZooZ

آيفونج يبيله تضبيط وهندسه

في وايد برامج تحل النقص اللي فيه

في Swirly MMS

اما البلوتوث ماله حل ليلحين

فوروارد حق الsms اكو برنامج بس ماذكرة، اقول لج عليه بعدين!

لا تبيعينه! تعلمي عليه، وما تخسرين (;

وتحيّاT

Funny Q8i يقول...

المباركية

٢٤ ساعة!

ايي حتى وانا نايم p;

اي حلم احلمة بحطة بالبوست خخخخخ

وتحيّاT

Funny Q8i يقول...

mo3ath

مو يقولون باب النجار مخلع

المهم اخيرا تفرغت له

ايميلك وصلني وحصلت البرنامج (; تبييييه؟

الفيسبوك اطقطق فيه ساعات

بس مالي بالتويتر!

وتحيّاT

Funny Q8i يقول...

BenT BonD

الله يبارك فيج (:

يعتمد، اذا بوست عالسريع، اوكي

قرقه؟!!! ما اعتقد p;

وتحيّاT

إرسال تعليق

تعليقك يهمني، بس تكفه لا تكسر مياديفي :)