الخميس، 18 ديسمبر 2008

بان كيك Free!!



اليوم طق براسي اكل بان كيك، بما انه الحكومة استقالت وانقبلت استقالتها فالدستور مالي ببروزه واعلقه ليما يتم التشكيل اليديد p;



المهم رحت برايم اند توست (بربلشس كله منج p; ) وما كان في وايد ناس، طلبت بلوبيري بان كيك مع ديكاف كافيه لاتيه، واستغربت من شكل الكوب، جنه كوب بلاستك ومايع لأنه القهوة حييييل حاره! حتى قعدت مده يالله استوعبت انها حركة مو صج! p;

كنت مستعيل حيل، وطلبت الجيك مبجر.

بعد ما مسحت الصحن ليما ويهي صار يبين فيه، وحتى عدلت الغترة مالتي بالمرة، وطليت ببوكي ولا فيه دينار ونص، وحسابي كان ثلاثه وستمية فلس! فعطيتم الكرت الكي نت.

الحين انا مستعيل بمشي والمكينه عصلقت، وقعدت عشر دقايق على هالحال، اخر شي قلت للويتر خلاص خلي الهندي ايي وياي انا صافط ورا يم البنك، وإذا بشي غريب يصير، دن دن دن داااااااا

كان في اخت قاعدة بالزاوية والظاهر شافت السالفة، وعلى ما يبدو اني كسرت خاطرها، مع اني ما بجيت وايد بس قعدت اصارخ واقول " ابي اميييييي، ابي اميييي ، والله عندي فلوس والله عندي فلوس واااا وااااا بس لا تيييبووون الشرطه"
(اخاف تصدقون بس  أي شي بالأحمر مو صج)

فالاخت يت وادفعت عني، وانا اقول لها لا لا عادي الحين اييب الفلوس وهيا لا، أبد، شدعوة، عادي! فقلت لها خلاص الحين اسحب واييب افلوسج خمس دقايق بس مو تروحييين!

ورحت لي سيارتي بسرعه بسرعه وكان البنك قريب سحبت فلوس، وقلت خل اخذ سيارتي بالمرة، ورحت و سكرت عالسيارات وصفطت جدام المحل عالسريع، ورحت للكاشير وقلت له عطني خرده عشرة جان يعطيني خمستين! وماكان عنده دنانير!

جان اشق الخمسة واكتب على نصها اذا تبين النص الثاني دقي على هالرقم وعطيته اياها خخخخخخ اخاف صج بس! (مره ثانية مو صج)

المهم عطيته الخمسة وقلت له عطها حق الي قاعدة بالزاوية، وشلعت، ورررررر!

تقول سندريلا الساعه اثنعش! 

طلعت ورحت بسرعة بسرعة ونسيت اني صافط جدام المحل، ليلحين بالي ان سيارتي بالموقف اللي ورا، وبنص الطريج تذكرت!

السالفه اني صج كنت مستعيل ولازم اروح، فرجعت ولا الاخت قاعد اتدورني برا، وماكو فايدة طاحت علي، وانا عاد كنت متجه للسيارة جني ما شوفها، وهي كانت بنص الطريج، فألقت القبض علي بالجرم المشهود p;

الحين تعال فجج:

هي: ....... (ماذكر الحجي لاني كنت بلاك اوت حزتها)
انا: لا عادي عادي فلوسج هذي
هي:.... لا مافيها شي انا ما بغيتك تتأخر شكلك مستعيل، بعدين انا بس ٣ دنانير دفعت! (مادري يمكن جذيه قالت!)
انا: لا عادي مو مشكله، واذا مصرة عطيني دينار!!!
هي: لا افا عليك لا تفشلني، اخذ الخمسة اخذ الخمسة! ارجوك!

قالت حجي وايد ما أذكره، بس هي اصرت، لا الحت، لا اصرت، لأنه اصرت تصر ،، الحاحاً!! ، بختصار اخذت الخمسة وما أذكر اذا شكرتها ولا لأ بس حدي كنت منحرج، وأبي أخلع p;

والحين ابي اقول شكراً ضرب مليون للأخت الكريمة، بس ما راح ارتاح الا اذا رديت الفلوس!

وتحيّاT

هناك 32 تعليقًا:

@alhaidar يقول...

والله يخوي البلد فيها خير ..

والناس للناس ..

إلا إذا كنت حضرتك حلو ولها غاية أخرى هذا حجي ثاني :P

ZooZ "3grbgr" يقول...

هااااااااااااااااا
الحين تعال فجج
شلوووووون بترد الفلوووس
مممممممممممم
دستورنا وسكرناه
وطايحينله خراب بالريجيم
عفيه ولدنا عفيه

enter-q8 يقول...

خلك من ساالفة البنت
ابي ام الدستور مالك مال اليوم المفتوح هذا متى يخلص
و تقول تبي تضعف
شكلك قمت تقلد حكومتنا

بانوراما يقول...

إذا البلد لي الحيين فيها مثل هالنمونة

فأحنا لي الحيين بخير ولله الحمد

vancouver يقول...

اول شيء انا سعيييييدة
اني طحت على مدونتك بالصدفه
يحليلك احس دمك واااايد خفيف
وطينتك اخف

---

بالنسبة للاخت اللي دفعت
شفيييك الله يهديك
هذي بربلووووشه

عرفتك ودفعت عنك
عادي عادي
اهيه قاااااالتلي اصلا
بس ماحبت تكشف شخصيتها جدامك










:)

vancouver يقول...

بربلووووشتي

مو تزعلين
ادري ما تبين تحرجين الريال
بس بعد هذا حقج مافيها شيء



اقول اخوي طرش
الخمسة ماعليك امر
حقي وانا اعطيها
بربلوشه
P:

joe يقول...

والله ياريت كل الناس مثلها

علشان انا اروح كافيه و انسى بوكي بالسيارة و اييب معاي كي نت خربان احاول اسحب علي و اييني واحد او وحده مثل الاخت الطيبة ويدفعون عني

الصراحة هذي خوش وحده

ترى انا امصعب عليك
شلون تاكل باوونت كيك و ماتسويله دعاية ؟
حط لنا العنوان ماعليك امر ;p

THE BOSS يقول...

طلعت جذاب و حلو و البنات يدفعون عنك
من قدك
لا بس صراحة وجد

هذي الاخلاق مو غريبة على بناتنا
الله يستر عليهم
عوايدهم الطيب و المواقف الزينة
وعطني ولعه

malak يقول...

زين و الله في ناس طيبه هالايام :)


يلا الحمدلله انقذتك يحليلها

ReLaaaX يقول...

عليك بالعافية ،،


كل مره اقول بحط بالصوب الثاني من البوك سبير وأنسى ، وإلا أصرفهم على بو برد أسحبهم وطاااف !

فيعني نصيحتي إذا ماراح تنسى ولا راح تطنش .. حط لك عشرة والا عشرين بالبوك بس لاتجيسهم الا بالحالات الاضطرارية


وتعيش وتاكل غيرها :p

Funny Q8i يقول...

احمد الحيدر

يا حيا الله اخوي احمد

والناس للناس مثل ما قلت.

وعمار ياكويت

عاد ما يندرى لو انا حلو جان يمكن بعد صبتلي بانزين بعد p;

وتحيّاT

Funny Q8i يقول...

ZooZ

البنية حدها كول اكيد لها بالمدونات

ويمكن مر عليها البوست

بس شالفايدة! ماراح تيي وتعلق!

يعني مو معقوله بتكتب

"بصراحه آخر الشهر وحدي مفلسه فالله يعافيك الثلاثة وستميت فلس ياريت تدزلياهم، انا الحين بالبانزين وماعندي فلوس" p;

خلاص ماكو فايدة، مدام انها ماخذت الفلوس وانا جدامها!

بعدين الدستور معطيني صلاحيات خاصة p;

راجعي الدستور

شكلج مش مزاكرة p;

وتحيّاT

Funny Q8i يقول...

Enter-Q8

جنك استلمتني استجوابات خخخخخخ

من عذر الحكومة استقالت p;

راجع الدستور

انا بس ودي اسألك بما انك سياسي محنك

يعني اي واحد يستقيل يصير ذنبه مغفور ويدش الجنه؟

بعدين لا تحاتي الضعف الرياضة مسويه شغلها

والصج ان الرياضة اذا اوكي كل شي يصير تمام حتى لو اخورها "شوي" بالاكل p;

اهم شي الاستمرارية بالرياضة

وتحيّاT

Funny Q8i يقول...

بانوراما

البلد بخير طول ما انتي ليلحين تزوريني بالمدونة p;

نمونتج انتي نادره (;

وتحيّاT

Funny Q8i يقول...

vancouver

اهلا اهلا بڤانكووڤر (:

البلوق نور ووصل له الكهربا والتلفون والانترنت بعد بزيارتج الخفيفة على القلب

وميرسي عالمجامله، كلج ذوق (:

--

صج بربليشس؟

قولي والله؟!

اشوفها ما علقت!

بس اذا صج هي لازم اردهم عيل

لو اوقف لها عند باب المدونه p;

ولا اعطيج الفلوس وانتي عطيها

والوعد بنفس المكان (;

اذا لقيتي واحد جدامه مجمع بان كيك، هذا انا ترا ما اضيّع p;

وتحيّاT

Funny Q8i يقول...

المباركية

اي انت وحظك :)

اخاف مايكون في احد وتتوهق بس

"ابي اميييييييي" p;

المكان اسمه "برايم اند توست"

يم "برقر هب" ما يضيع

وتحيّاT

Funny Q8i يقول...

THE BOSS

انا ماني حلو لكني ماني شين

ولاني من الذي يلعب على الحبلين

وليش جذاب؟

اذا قصدك على المكتوب بالأحمر فهذا تمثيل مو جذب، في فرق!

لزوم الترفيه p;

وبعدين لا تتلزق وايد ببنات الحمايل وتجاملهم

ما راح يدفعون لك حساب الولعات ترا

خخخخخخخخخخخخخخخخ

وتحيّاT

Funny Q8i يقول...

malak

اي تصدقين، ما تخيلت انه ممكن تصير لي هالسالفه من قبل!

ولا جان كل يوم مطيح بالمطاعم ونفس الحركة هههههههه

وتحيّاT

Funny Q8i يقول...

ReLaaaX

هلا بريلاكس والله

حدي ريلاكس الحين صرت p;

المشكلة اذا خشيتهم انساهم واذا فلست ماذكرهم!

بس اجرب مره ثانية لعيونج (;

مو تقاطعيييين (:

وتحيّاT

غير معرف يقول...

لووووووووووووووووووووووووووووووووووول

لووووووووووووووووولييييييييييييين

و كمان لووووووووووووووووووول

انا شايفه البوست من زمان بس توني اشوف تعليق فانكوفر
هههههههههههههههههههههه

يخرب بيتك يا بت هو انتي ما يتبلش ببؤئك فوله!!

كل هذا عشان 5 دنانير جان قلتيلي انا اسلفج
ههههههههههههههههههههه

اول شي عليك بالعافية البان كيك مطرح ما يسري يمري
:)

ثاني شي من حسن حظك ان كان عندي كاش و لا انا العاده ادفع كله كي نت

ثالثا شفيك تدودهت كل هذا انبهار من جمالي هههههههههههههههههههههه




لالالالا يبا لا يكون صدقت انه انا!!


ما عليك من فانكوفر تطلع علي اشاعات كل هذا عشان هالخمس دنانير!! انا اللي يصب لي شاي اعطيه خمس دنانير هههههههههههههههههههههههه

و بعدين انا دافعتلك 3 دنانير و تردهم 5 دنانير و أرفض!!!!!!

هذا اكبر دليل ان مو انا! لوووووووووووووووووول


انا بيربل مادري شفيه مو راضي يدش باسمي!

Ducati يقول...

لووووووول والله ما عرفت لها
انا منك اقولها يبه لا تدفعين عني بس عزميني على بعد بان كيكه

:)

why me يقول...

:)


هذي انا
;pp

تخيل؟

BenTBonD يقول...

يمه منك يمه
بالله شلون بتردلها الفلوس على قولتك عشان ترتااااح؟ هااا قول الصج
وطحنا عليك كلنا
الظاهر كنت معزوم على عرس بس ماحبيت تقول عشان مانقول توه ماكل ويبي ياكل مرة ثانية بالعرس

ماشاء الله ماشاء الله والله شوقتني
ابييييييييييي

ممكن ال5 عشان اغسل فيهم السيارة واترس بانزين هههه

لا في ناس وايد من هالنمونة وعسى الله يكثر من امثالهم

يعني انت يا فنيو كويتي ماراح تساعد احد وتدفعله لو شفته متوهق؟؟ اكييد بتدفعله ولا انت بعد مايندرى عنك اذا بتدفعله ولا لأ

kAiKa-MGroMa يقول...

جذّاب قصده فيك جاذبيه مو كذاب P:

والوهقه سيدة الموقف

D=.

غير معرف يقول...

good blog.
Portugal

Funny Q8i يقول...

بيربل

اللــــــــــه لعبوا فيني المدونات هههههه

والله ترا ما عرفنالكم انتي ولا موووانتي p;

اوكي مو انتي

بس خلاص عيل اطالبج بعزومه باااان كيييك خخخخخ

تعويضا عن الدودهة اللي سويتيلياها p;

وتحيّاT

Funny Q8i يقول...

Ducati

هلا بالديكاتي :)

انا عاد حدي كنت مستعيل ولا جان صار موضوع ثاني p;

وتحيّاT

Funny Q8i يقول...

why me

لو انتي جان تسلفت منج خمسة زيادة بالمرة p;

مووو طايحة الميانه

وجان كل شوية معلقه عندي

"هااا وييين الفلوووووس!!!!"

خخخخخخخ

وتحيّاT

Funny Q8i يقول...

BenT BonD

والله انا لو الله يفكني من العروس جان انا بخير

يعني اشوف البوفيه وما اكل ماينفع

مع انه الاكل مال العروس بس منظر

يعني صراحة ما استمتع وانا اكله

بس شي يترس البطن احسه

انزين اهل الخير وايد

بس ليش ما خذت الفلووووس؟ اوكي ساعدتني ما قصرت، بس رحت يبت الفلوس وما تبي تاخذهم! شيء محير!

ولو يصير معاي العكس جان انحشت خخخخخخخ

وتحيّاT

Funny Q8i يقول...

kAiKa-MGroMa

هلا كيكه :)

والله زين علمتيني توني استوعب ههههههههه

يبيلج بان كيكه مقرومة p;

وتحيّاT

BenTBonD يقول...

لااا حرام عليك في بعض العروس يكون اكلهم عجييب تستانس من الطعم

لووول شووف سالفه وصارت ولي تكررت معاك هالحركة مرة ثانية كلبج لبنية عشان ماتنحاش وردلها الفلوس

Funny Q8i يقول...

Bent BonD

هالسالفة مرة بالعمر ما تتكرر!

بس البنية يمكن اشوفها مرة ثانية

ما يندرى

وتحيّاT

إرسال تعليق

تعليقك يهمني، بس تكفه لا تكسر مياديفي :)