صج مصخت!
صار لي تسع اشهر وانا ناطر الدور "الوهمي" علشان اسوي عملية زراعه القرنية في عيني اليسار، اول شي الدكتورة قالت لي انطر في جهاز ليزر يديد شريناه ويبيلا شوي ويوصل، وبعد ثلاث اشهر قالت اي بعد ماوصل، المناقصه كنسلوها بعد ما رست وسووها مره ثانية، قلت لها ماني ناطر الجهاز، ابي اسوي اللي كنتو تسوونه قبل، قالت اوكي يبيلك عيل شهرين ثلاثه على ما اييلك الدور، مع انها اول مره قالت لاااا عادري القرنيات عندنا كل اسبوع يوصلون وعادي، بعدين السالفه طلع فيها دور، والحين طاف ست اشهر وما يأ دوري! ومحد دق علي.
قلت خل امر اشوف شالسالفة، اروح حق اخت "وسمية" مو موجودة وطبعا تلفونها انسا انها ترد عليه. سويت موعد الشهر الي طاف وعطوني بعد شهرين يعني يناير، وبالصدفة شفت الدكتورة برا وسألتها "ها وصل الجهاز" وتقول اي وقريبا بيي دوري! وما يندرى.
يا جماعة اذا احد عنده واسطه ضبطوني، يمكن اطلع بوستات احلى اذا اشوف بعينين (;
وبالنهاية ما اقول إلا "بس يا بحر"
اقصد "مصخت يا بحر"
هناك 20 تعليقًا:
سلاااامت يالغالي
وما تشوف شر
والله يعينك علي الروتين والروحه والرده علي المستشفيات الي ما فيها التزام ومسؤليه
وكلها واسطات ...وانعدمت من الانسانيه
الله يعينك
وسلامة عينك
انشالله تطيب وتصير احسن
ويا زين القطاوه فوق
حبيتهم
مالك الا رب العالمين
و الله ياخوي لو اعرف كان مو اقولك روح سوي
الا ادزك علاج بالخارج
على الاقل هذي عيون
مو خزعبلات اللي قاعدين يسافرونهم
من صجك انت تسويها بالبحر؟؟
حرام عليك والله يلعبون بعينك
شوف لانك عزيز وغالي وهذي عين يعني مالازم الواحد يلعب فيها انا اقولك اقرا هالمقال
http://salahalansari.blogspot.com/2004/09/blog-post.html
والله وله مره طلع من مستشفيات الكويت شي حلو
مثل هذيج الي امس حطوها بالجريدة يقولون ماكو
اهتمام طبي
هممممممممممممممممممممممم اشحقه اول سطر باليافطة من غير نقط ياحافظ؟
:)))))))))
انا اقول شوفلك واسطة علاج بالخارج دزززز روحك دززززز بدل هاللي يعافرون بلندن كل واحد ساحب قبيلته معاه علشان شي سخيف.. وقته على شهر ٣ جذيه ترى الوضع هناك بدعة ذاك الوقت هههههه
الله خير حافظ:)
مرامي
ماتشوف شر فنفن
جنه اهلي يعرفون احد
ليت مي اسك اند كم باك تو يو
:")
ما تشوف شر يا الغالي
و انا مع الاخوان لا تسويها عندهم
اذا مو قادرين يضبطون مواعيدهم تبيهم يضبطون عيونك
وعطني ولعه
ما تشوف شر ... الله يسخر لك أحسن دكتور إنشاء الله ... آآآآميييييييييييييين
سلامات ما تشوف شر
والله للاسف ماعرف احد
بس ان شاء الله تقوم بالسلامه و تصير انشط بالبوستات:p
صبا
الله يسلمج يالغالية ولا يبليج
والله يعيني وياج وكل المسلمين
وتحيّاT
Enter-Q8
والله ياخوك الواحد صار مايدري شيسوي
عندك واسطة ولا ما يمشي شغلك!
وكل ما كانت اكبر يمشي شغلك اسرع!
اقصد الواسطة يعني p;
الله يكون بالعون
وتحيّاT
BenT BonD
والله اسويها بالبحر وانا اضحك p;
أولا ماني قاط 2000 دينار على عملية اقدر اسويها ببلاش، والواقع انه مو شرط يكون برا احسن
2000 دينار تدرين جم برد فيهم p;
ثانياً الجهاز اللي يايبينه وايد زين
بس عسى اذا ما يخربونه قبل ما يوصل دوري
وتحيّاT
المباركية
أدي الله وادي حكمتة!
وتحيّاT
مرامي
الظاهر خلص الحبر p;
واسطتي الله
يبيله لندن والله،،
الله كريم
ويا هلا بمرامي
وتحيّاT
ZooZ
ميرسي وما تقصرين
مننحرمش من الطلات الحلوة (:
عاد آسكيتي ولا بعد؟
وتحيّاT
THE BOSS
والله لو فيه خيار ثاني ماقول لأ
ولكن تجري الرياح بما لا تشتهي الولعتو
وتحيّاT
nikon 8
الشر ما اييج وما تقصرين
والمدونة نورت بوجودج
ولا تقاطعين (;
وتحيّاT
malak
مشكورة على اهتمامج
والله يسلمج يا رب
وتحيّاT
هههههههه عاد لا تصير بخيل وماتعطيني من البرد
انزين اشصار معاك الحين ؟؟
Bent BonD
ناااااااطر!!!
إرسال تعليق
تعليقك يهمني، بس تكفه لا تكسر مياديفي :)