السبت، 6 ديسمبر 2008

عيش اللخبطه مع ڤيڤا!!


تكلو تكلوو اوويييوووو!

يا هلا يا هلا يا هلا!

اليوم الصبح رحت ارض المعارض، قالولي الساعة اربع ونص يفتحون!
دقيت عليهم لقيتهم حاطين رساله تقول روح يوريكا!
رحت يوريكا السالمية الظهر مسكر!
رحت المعرض عالاربع والازدحام حده مصخرة شوف الفيديو


ماكو تنظيم ولا اسلوب! صراخ، وناس تتهاوش، مادري على شنو، انا بس قاعد اضحك واصور خخخخخ

ودي اعرف ليش جذيه، هذا وماكو لا سحب ولا هدايا ولا عرض محدود الكمية ولا حتى قلم هدية، زين مو هدية قلم بوخيط اللي يصير مربوط علشان محد ياخذة هم ماكو!
بالغصب يالله خذيت لي عقد، وتسلفت قلم من واحد وكتبت (وصيتي) باقي اصور المدنية وهني حد المصخرة حسافه راح علي مشهد حده عجيب ما يتطوف بس ما مداني اصوره، هندي متقلقص، ما اقدر اوصف! حده يضحك D;

بعدها مليت وقلت انا شلي بهالطلايب، خلى اروح يوريكا، واخلص شغلي هناك، الحين تعال فجج، رحت الباب الي دشيت منه، لقيته مسكر والناس قاعده تنطر! شنو ناطرين الخبز؟! الجام مال الباب تشلخ!



رحت يوريكا الشويخ جان يقولون لي ماكو عندنا! طلعت غلطه! المشكله انها كانت محطوطه بالرد الآلي مالهم، قال لي في بالمطار ومرينا مول وهذي صورة المرينا مول انا كنت في الظهاري مافي احد!

شالسالفه؟ ماكو تخطيط؟ أي شي يعني؟! كان ممكن يتفادون هذا كله بأنهم اول شي يوزعون العقود مبجر، من برا برا، المسج الي دازينها حق الناس يقولون لهم ييبو صور البطاقات بدال الحوسه على الطباعه، وأصلا لو يفهمون جان وزعوا العقود مبجر بالمجمعات، علشان الواحد ايي عالسريع. ولو عندهم شويه ذكاء الناس الي حاجزه ارقام المفروض ايي يعطيهم البطاقه ويوقع وياخذ الشريحه ويمشي! بس بعدها ما وصلنا حق هالمرحلة!
ولو كان عندهم شوية فهامية جان دزو الشرايح بالبريد! بس تدري شلون عيش اللخبطه!

هناك 8 تعليقات:

joe يقول...

تصدق بغيت اكتب عن هالشغله
في مدونتي بس انت صبقتني

اي والله صج زحمه موطبيعيه
بس ماكو وله كويتي كلهم وافدين

enter-q8 يقول...

شوف عمي انا وصلت ارض المعارض9.05 مساءا لما صفطت 9.15 و راها وصلت الباب9.20 طلعت من هناك على الزحمة و على الدوخة 9.45 تبي الصج انجاز على هالزحمة تنظيمهم رائع لكن الشعب و الهنود و الباكستانيين و المصريين و الجاليات اللي بالبلد
انا اشوفهم سريعيين و سلسين استلمت الخط طلعت من عندهم حطيته بالجهاز اشتغل
دقيت على 102 و شفت العروض و الخدمات
ببساطه اكتساح
و خصوصا تعرفة المكالمات الخارجية

3BeeDo ;) يقول...

فوق كل هذا يقولك ادفع بعد

ღ heart ღ يقول...

يا ساتر شنو هذا ؟؟


لو يوزعون ببلاش ما صار جذي ..


تحياتي لك اخوي ^^


تشآآآآآآو

joe يقول...

تقدر , اخاف , تدرش

عيش اللخبطة

THE BOSS يقول...

ليش كل هالزحمه على شنو
ما ابي

وعطني ولعه

BenTBonD يقول...

ههههههههههههههههه
والله مسخرة
جد قعدت اضحك على هالمسخرة اللي صايرة
من صجهم هالناس؟
والله يفشلون
اهم شي انك تصور هههههههه

Funny Q8i يقول...

المباركية

والله هو في كويتين، عادي السالفه ترى

بعض الناس يحبون هالسوالف، مثل الادمان

مو يقولون حشر مع الناس عيد p;

========

Enter-Q8

حلو تقريرك الي بالساعه D:

احنا نبي الزين ولابد من اللخبطه بالبداية، والحكم مو الحين، خل نعطيهم سنة وبعدين نحكم (;

========

3BeeDo ;)

كلنا راح ندفع، ولا تبي ببلاش بعد خخخخخخ

========

ღ White Rose ღ

لو ببلاش چان صار العن p;

خليها على الله

جاوجاو (;

========

المباركية

شنو تدرش خخخخخ

شكلك بطيت من اولها D:

========

THE BOSS

لا تبي p;

بس بعدين على الراحة

========

BenT BonD

انا عاد مو متعود على جذيه

اللهم برمضان بالمسجد الكبير حزة الطلعه من صلاة الجيام

بعدين اهم شي اني اصور D;

وتحيّاT للكل

إرسال تعليق

تعليقك يهمني، بس تكفه لا تكسر مياديفي :)