الأربعاء، 3 ديسمبر 2008

خلطبيطه!


حياتي صايره ملخبطه!
ولازم ابتدي ارتبها، البوس كاست لخبطلي كل حسباتي التدوينية علشان جذيه ماصرت ادون كثر قبل! لأني كل ما افكر بسالفه اقول اييييي خلها حق البوس كاست!
وهم الرجيم مالي مأثر بعد! أكيد نقص السكريات أثر على الحس التدويني مالي!
والرياضه بعد ماخذه من وقتي واذا رجعت البيت اكون هلكان فأصير وين والكيبورد وين!
وقبل كنت كلا على الاب توب بالفراش ومن بعته صرت لازم اقعد على الأيماك بالمكتب!
بدينا بالنقزات p;

وبالنهايه المدونه صارت تعاني من نقص ملحوظ بالبوسات وبناءاً عليه قاعد افكر اني اصك المدونه!

كعكعكع     لا اتغشمر!

يا ريت لو اسمع مقترحاتكم!

انا مفكر اني الزم نفسي بكم من البوستات يومي حتى لو عن صوري المحمضه!
ساعات التزم الصمت، بس ممكن الصور تعبر عن تفكيري!

ومو من الضروري انك تعلق على كل بوست! ساعات احس اني لازم اعلق عند بعض المدونات مع اني مو فاهم الحجي! بالضبط جني اطق كرت الدوام! يعني شوفني ترى دشيت وقريت خخخخخ

البلوقرز حبايبي وما بينا مجاملات فتيك إت إيزي

وسوو حسابكم بشخلكم بوستات بكميات اكبر وسعرات حرارية اقل (;

وبالنسبه حق البوس كاست ياريت لو تفيدوني بالاجابه على الاستبيان اللي راح يخليني اعرف شنو مصيره؟ عاد مسجل واحد يديد بس محتار!


آرائكم ومقترحاتكم بالنسبه حق البوس كاست


هناك 5 تعليقات:

صبا يقول...

انت لي الحين ما ضعفت


اتوقع انك صرت سمبتيك ...قول لا تخش هنا

اتخاف تنصك بوحده ؛)

Funny Q8i يقول...

والله بعد يبيلي، الوزن ثابت بسبة الرياضة، يعني اللي اخسره من الشحم قاعد يقلب لحم، والعبرة بالشكل (;

لا تخافين اول ما اضعف بسوي بلوق انفايت بس حق اللي عيونهم مو حاره واحط في صور قبل وبعد خخخخخخ

وتحيّاT

BenTBonD يقول...

ايوه مش من الزروري انك تعلق على كل بوست
بس بوستاتك تخلي الواحد غصبن عليه يعلق

انا سويت استبيانك عاد انت جمع النتيجة

Funny Q8i يقول...

BenT BonD

انتي بالذات اجباري تعلقين على كل بوست خخخخخ

بشوف اخرتها ويا هالبوس p;

وتحيّاT

BenTBonD يقول...

هههههههه اشعليج اشعليج يا بنت بوند

إرسال تعليق

تعليقك يهمني، بس تكفه لا تكسر مياديفي :)