الثلاثاء، 25 نوفمبر 2008

تحبه اكثر ولا الله؟!

mcdonalds

قبل لا اسويها سالفه قلت استشير ولا خاب من استشار

كنت بمكدونالدز بمنطقة السلام، وكنت ناطر سندويجتي الخاصة كالعادة تطول!، وشدني شكل الرسومات والكتابه الهيروغليفية الي بالأرضيه فصورتها.

IMG_0286

IMG_0287

IMG_0288 

واكتشفت هالاكتشاف الخطير

 name1

وهذي صورة ثانية

name2

يعني يا اما هذا لفظ الجلاله ولا انا مخرف!!!

منو المسؤول؟ مكدونالدز او الشركه اللي مستورده الأرضية! ما استغرب اذا كانت الارضية صناعه صينية! متعودين على هالسوالف منهم من قبل!

شنو بقى بعد؟ والله اخاف على يوم أيي اكل السندويجه والقى عليها بعد لفظ الجلاله!

هناك 20 تعليقًا:

3bady يقول...

أهمممم شييي اشتكيت ولا لأ ؟

joe يقول...

هل ايام لفظ الجلالة على كل مكان حتى تكرم بالجواتي
من المسؤل عن هذه الكلمات وا لالفاظ

malak يقول...

امبيييي

@@@@@@@@@@@@@@@@@@@@@@@@@@

ماصدق حتى ماكدونالز@@@@

ماخلو شي استغفر الله حسبي الله عليهم

swan.beach يقول...

اشتكي وشوف شنو الرد !!

BenTBonD يقول...

جم مره اشوف الارضية بس ماعمري دققت فيها او فكرت انها كتابه هيروغليفية ومادري شنو
على بالي بس نقش

انا ما اقول الا حسبي الله ونعم الوكيل باللي مسوي هالارضيات

انزين انت بس شاطر اتصور؟!!
اشتكيت ولا لأ؟!!

JuVeNTiNa يقول...

ماشاء الله عليك .. لاحظت

المهم وصل سالفتك للجرايد و راح نشوف و نعرف منو المسؤول

enter-q8 يقول...

هذي سالفه جايده ياخوك
راسل موقع مكدونالدز
لن الجرايد ما راح تنشرها لأنهم يعلنون عنها

A يقول...

ماعتقد ان الشي مقصود!
الرسومات كلها أشكالها متقاربة..

لو تلاحظ بأي أرضية بأي مكان (سيراميك، رخام،...) دائما من بين الأشكال العشوائية في أشكال لو تدقق فيها تعطيك رسومات لها معنى، حروف، كلمات،... بس كلها غير مقصوده!

فما أعتقد أن الشكل أنرسم عشان يعطي (لفظ الجلاله)..

ميرامار يقول...

اعتقد انه تشابه صور واختلاف افكار

ما تدوئّيش

Funny Q8i يقول...

3bady يقول...

>أهمممم شييي اشتكيت ولا لأ ؟
---
لا والله!

قلت اتأكد اول!

وتحيّاT

Funny Q8i يقول...

المباركية يقول...

>هل ايام لفظ الجلالة على كل مكان حتى تكرم بالجواتي 
من المسؤل عن هذه الكلمات وا لالفاظ
---
طول عمرهم الصينيين وهما مقزرينها على هالسالفه

بس ماقول الا حسبي الله ونعم الوكيل

وتحيّاT

Funny Q8i يقول...

malak تقول...

> امبيييي
@@@@@@@@@@@@@@@@@@@@@@@@@@>

>ماصدق حتى ماكدونالز@@@@

>ماخلو شي استغفر الله حسبي الله عليهم
---
ما اعتقد انه مكدونالدز قاصدينها

إلا اذا دشيت مكدونالدز ثاني ولقيت نفس النقشه!

ساعتها اقول يمكن قاصدينها

وتحيّاT

Funny Q8i يقول...

swan.beach تقول...

> اشتكي وشوف شنو الرد !!

---
اعتقد لازم اوصلها للشركه مالتهم

يعني انا متأكد لو بكلم مدريهم الفلبيني اكيد ماراح يستوعب شنو قاعد اقول

وتحيّاT

Funny Q8i يقول...

BenT BonD تقول...

> جم مره اشوف الارضية بس ماعمري دققت فيها او فكرت انها كتابه هيروغليفية ومادري شنو
على بالي بس نقش

انا ما اقول الا حسبي الله ونعم الوكيل باللي مسوي هالارضيات

انزين انت بس شاطر اتصور؟!! 
اشتكيت ولا لأ؟!!
---
مو لازم اتأكد قبل ما استعيل بقراراتي؟!

وتحيّاT

Funny Q8i يقول...

JuVeNTiNa تقول...

> ماشاء الله عليك .. لاحظت

المهم وصل سالفتك للجرايد و راح نشوف و نعرف منو المسؤول
---
لا والله ماني من ربع الجرايد!
بس خل اشوف!

وتحيّاT

Funny Q8i يقول...

Enter-Q8 يقول...

> هذي سالفه جايده ياخوك
>راسل موقع مكدونالدز
>لن الجرايد ما راح تنشرها لأنهم يعلنون عنها
---
قبل ما استبق الاحداث بشوف شنو بيصير هني اول

لأنه اذا ما استوعبوا اللي هني كل سنه وانت طيب!

وتحيّاT

Funny Q8i يقول...

AnOnymOus تقول...

> ماعتقد ان الشي مقصود!
>الرسومات كلها أشكالها متقاربة..
>لو تلاحظ بأي أرضية بأي مكان (سيراميك، رخام،...) دائما من بين الأشكال العشوائية في أشكال لو تدقق فيها تعطيك رسومات لها معنى،
>حروف، كلمات،... بس كلها غير مقصوده!
>فما أعتقد أن الشكل أنرسم عشان يعطي (لفظ الجلاله)..
---
كل شي جايز!

بس هذي جنها عشوائيه والواقع انه نسخه مكرره من قالب مرسوم واللي راسمه واحد ومو مستبعد انه تكون فعلا مقصوده!

وتحيّاT

Funny Q8i يقول...

ميرامار تقول...

> اعتقد انه تشابه صور واختلاف افكار

>ما تدوئّيش
---
يمكن يكون تشابه صور

واحتمال انها تكون مو مقصوده

بس لو تشوفين هالارضيه بهالكلمه تنداس جدامج، شنو راح يكون شعورج؟

وتحيّاT

THE BOSS يقول...

بلغهم بالموضوع يمكن ما يدرون

وبعدين انت مو مسوي رجيم شموديك ماكدونالدز

وعطني ولعه

Funny Q8i يقول...

THE BOSS

بشوف، لازم ابلغ الاداره مالتهم وشوف شنو يقولون!

وعالدي بس اشيل الصمونه واكل بالشوكه والسجين

انا رجيمي كله لحم وسلطه

وهاك ولعه

وتحيّاT

إرسال تعليق

تعليقك يهمني، بس تكفه لا تكسر مياديفي :)