صارلي اسبوع ما كتبت شي! ولا سجلت شي!
اكيد واحد عارف نفسه عدل اهو اللي صاكني عين!
فقلت احسن شي اني ابخر البلوق عسى تنفج العقده!
يعني شسوي بعد؟ اييب ملا يقرا على البلوق؟
©©©
الماك بوك اير مالي بعته وقلت اقزرها بالأي بوك القديم مالي!
بس الكوننكتر مالت الكهربا تعبانه يعني لازم اظل ماسكها علشان يشتغل!
والبطارية ميته! اليوم قلت بتفرغ له!
الحين لازم اطلب القطعه من امريكا بحروه الثلاثين دولار
ومني ليما توصل القطعه رايح يظل المسكين مكشوف العوره!
كيفه! من قال له يخترب!
هناك 20 تعليقًا:
لايكون انا صاكك عين
مايشوف شر اي ماكك
بس شلون فيه بطاريه ؟ اهو يشتغل على البطاريه ولا بطاريه عاديه مثل بطارة الدسك توب القديم
ترى الجو بارد لا تخليه عريان كده <<< على قولة بعض الناس
غطه بكلينكسه <<< يعني سليب
يالله عاد لا تقطع ترى انا احتاج لتدويناتك لكي تمدني بالطاقه والنشاط <<<<< حليب السعوديه مو بلوق
ههههههههه وانا اقول ليش مختفي
السالفه فيها عين ههههههههه
بخر يمه بخر ههههههه
صباحك إشطه :)
LOOOOL
ضحكتني:)
عقب كل بوست اقرأ المعوذات وامسح على اصابعك وعلى البلوق وان شاء الله ماكو الا العافية
:)
لا تخليه مكشوف
مو عبالك صار الجو شتوي خلاص ماكو غبار
ان خليته على ما تيي القطعه بتلقاه مغبر مكفهر
وبعدين عين الحسود فيها عود مصاص وعود اسنان بعد
لا تحسدون ولدنا قولوا ماشاالله
يبيلك دغيشم اييك يقرا عليك ويقول الـــــله (عارفها طبعا)
بس شكو المبخر عليه شعار السعودية
تلميحاتك مو هينه !!!
ما يشوف شر بلوجك و جهازك
كسرت خاطري ههههههه
حالتك مأساوية .. تبي لابتوبي تقزر فيه لين توصل القطعة؟
وسؤالي كنت بسأله مثل زووز .. شنو الحكمة من شعار النخلة اللي عالمبخر؟!!! كل المباخر جي ليـــش؟؟
وقل اعوذ برب الفلق من شر ما خلق
اخاف انا بعد يحوشني شي
يبا انت عبثي تخرب الشغلة و تقول حسدوني
بخرت ما بخرت ما يفيد
العين صابتني و رب البيت نجاني
بعدين حط بخور زين عود مو جاوني والا بو طقه
وسلامات
بطل عباثه
والا يمكن حوبه دغيشم
وعطني ولعه
هذا مو شعار السعوديه يعني بس حطوه على شعار الدوله خلاص صار لهم !!!
هذا شعار العروبه
انخله وسيفين
يعني احنا بشاعرنا فيه سفينه وحمامه وسنبلتين
خلاص يعني ما يصير احد يحط سفينه ؟
لووول استر عليه يمعود لا تخليه جذي العموم يشوف عورته ترا تؤثم بعدين
:)
وناطرينك نبي بوس كاست هي هي
اذا السعوديه شافوا انك مطلع عورت لاب توبك بيحجبون مدونتك :P
pink تقول...
> ههههههههه وانا اقول ليش مختفي
> السالفه فيها عين ههههههههه
> بخر يمه بخر ههههههه
> صباحك إشطه :)
---
دورت على سبب ثاني مالقيت p;
صباحج عسل :)
شرايج انحط صباحي على صباحج
علشان يصير اشطه بالعسل D;
هههههههه
وتحيّاT
esTeKaNa تقول...
> LOOOOL
> ضحكتني:)
> عقب كل بوست اقرأ المعوذات وامسح على اصابعك وعلى البلوق وان شاء الله ماكو الا
> العافية
> :)
---
هههههه
مسحت وتلفلت وعسى ينفع D:
نورتي البلوق (:
اي كثري زياراتج علشان يتبارك البلوق (;
وتحيّاT
ZooZ تقول...
> لا تخليه مكشوف
> مو عبالك صار الجو شتوي خلاص ماكو غبار
> ان خليته على ما تيي القطعه بتلقاه مغبر مكفهر
> وبعدين عين الحسود فيها عود مصاص وعود اسنان بعد
> لا تحسدون ولدنا قولوا ماشاالله
> يبيلك دغيشم اييك يقرا عليك ويقول الـــــله (عارفها طبعا)
> بس شكو المبخر عليه شعار السعودية
> تلميحاتك مو هينه !!!
---
خخخخخخخخ
بغطيه بس مو عن الغبار
لازم اراعي شعور الكمبيوترات اللي يمه p;
اييه بدق على الدغيشم واقول له p;
والمبخر من الوالده ماخذه
وايد قوية ملاحظتج (:
وتحيّاT
Enter-Q8 يقول...
>ما يشوف شر بلوجك و جهازك
---
الشر ما اييك يالغالي :)
وتحيّاT
BenT BonD تقول...
> كسرت خاطري ههههههه
> حالتك مأساوية .. تبي لابتوبي تقزر فيه لين توصل القطعة؟
> وسؤالي كنت بسأله مثل زووز .. شنو الحكمة من شعار النخلة اللي عالمبخر؟!!! كل
> المباخر جي ليـــش؟؟
> وقل اعوذ برب الفلق من شر ما خلق
> اخاف انا بعد يحوشني شي
---
ايييي هههههه
والله مادري على النخلة!
مادري ليش تحاجونني جني انا للي مسوي المبخر
ههههههههههههههههه
انتي بس توذي من ابليس واقري آيه الكرسي وماكو الا العافية
وتحيّاT
Ducati يقول...
>لووول استر عليه يمعود لا تخليه جذي العموم يشوف عورته ترا تؤثم بعدين
>:)
>وناطرينك نبي بوس كاست هي هي
---
اي اي غطيته، ماني ناقص سيئات D:
ابشر ببوس كاست سنع قريبا ان شاء الله (;
وتحيّاT
المباركية يقول...
>اذا السعوديه شافوا انك مطلع عورت لاب توبك بيحجبون مدونتك :P
---
ان شاء الله ما يزعلون p;
اللــــــــــه يبيله رهش من المباركيه D:
وتحيّاT
لووووووووووول الصوره عجيبه
اقرا المعوذات كل يوم اول ما تبطله :)
اسم الله عليك وعلي بلوقك
وما فيك الا العافيه انشالله
وغط بطاريتك العاريه الستر زين :)
تحياتي
malak
ان شاء الله :)
=====
صبا
الله يسلمج ويعافيج :)
لا تحاتين غطيتها p;
وتحيّاT
إرسال تعليق
تعليقك يهمني، بس تكفه لا تكسر مياديفي :)