قبل اي شي احب ابشركم انه البوس كاست مالي صار موجود على الايتونز ستور بس سو بحث Funny Q8i وراح تلاقيني موجود وتقدر تشترك، واتمنى اذا احد كان عنده اكاونت عندهم انه يسوي ريفيو عن البوس كاست واكون له من الشاكرين
واليوم نزلت البوس كاست الثالث
وليلحين ما سويته على اليوتيوب، تقدر تسمعه بالآيتونز
اول امس كان اول اثنين بالشهر والي يعتبر حسب الدستوور مالي هو اليوم المفتوح واللي اقدر اكل في اللي ابي على كيفي ومحد له شغل
وانا على حظي مانتبهت الا المغرب، المهم قلت خل الحق على باجي اليوم
اول شي مريت محل قيصر بقرطبة وخذيت لي نص درزن بيتزا وصمونة مسحب وصمونة خضار، اللي ما يعرفهم ترا عندنهم خوش صمونات صغار ولذيذين
وبعدها قلت مايبيله الحين الا اثنينا برييد على مزاجي من محل عصير جمعية العديلية يم يم عم عم
بعدها قلت خل امر اخذلي اكل حق القطاوة من سوق الحمام اللي يم سوق اليَمعه للي مايدري!
المكان يخلو من البواليع وكانت غرقة
بعدها رحت الافينيوز وكان الازدحام ماله والي
لقيت محل عاليمين وصفطت عنده وقلت خل ادش اطل شويه عن الفشلة
عجبني الشاور هذا، في راديو وتلفون ومساج وبخار بس ناقصه انترنت وستلايت وميكروويف وانام داخلة
ان شاء الله راح اشتريه وحطه بغرفه النوم (صج)
علشان اول ما اقعد من النوم انط سيده بالفراش واتنشف
وهم بعد اذا اتزوجت ان شاء الله اقعد من النوم على صوت الشاور ومنظر حلو
او على صوت شخير مرتي
بعدها رحت الافينيوز وقلت اطق لي دوناتين بما اني عندي مدونتين
حده حوسه كريسبي، اول شي طلبت حبتين باكلهم على الطاوله الاخ الفلبيني حطهم بجيس، بعدين ييت احاسب قالتلي الكاشيره الفلبينية 800 فلس، عطيتها خمسة جان تقولي ماتبي ماي؟ قلت مابي ماي! ما عندك 800 فلس قلت ماعندي 800 فلس جان تتل الجيس وتقول ما اقدر ابيعك عيل! جان اناظرها بعين
جان تقول اوكي وتبطل المكينه وتطلع الباجي!!!!!!!
الحين قلت لها ممكن صحن؟! قالت ماعندنا صحن! جان اهدها واروح اقعد على الطاولة، ولا مرا قاعدة يمي عندها صينية، رديت قلت لها ممكن صينية؟ قالت لي قول جذي من زمان!!!!!!!!!!!!!!!!!!!
حد التخلف! يعني انا لو مو اليوم هو اليوم المفتوح جان لبستها الدونات، بس حرام اخرب اليوم عليها!
هناك 27 تعليقًا:
يومك يوم سعيد
ومبروك على البوس كاسيت
عاد البيتزا مالت قيصر مو صج طعمها عجييب
شتسوي فيهم ماسك بريدين مايذوبون عليك وله شلون تاكلهم
احلى شي سووق الحمام وناااسه
اكيد امس الافنيوز كان خفايف
بالصين في من هالشور اشكال و ارناق جربته شي طيب هذا
عاد ما شريت اله من كرسبي دونت جان شريت لك من بيت الدونات الي بالجمعيةو يبته معاك الافنيوز و اكلته شرط حسابك مايوصل 500
وصج ماشاء الله في ناس اسلوبهم بايخ كله معصبين وبس
ابي شنو هاليوم هذا مو مفتوح هذا شهر ما شاء الله عليك شكلك ما تطلع من البيت و تطلع حرتك فيه
هههههههههههههههههه
اكو شي ماسويته وماكليته؟!!!! ماشاء الله عليك عيني عليك باردة
عاد يالبخيل اشحقه ماتعزم احد يشاركك بالاكل هذا كله
بس شكله كل اللي نزلته خلال الاسبوعين مادري جم رد مرة ثانية
بيزا قيصر ايابااااااااااااه يبيله والله
برد العديلية ابيييييييييي من زمان مو ماكلة منه
والحين شنو الناس عيالهم ماعندهم امتحانات عشان يدرسون؟؟ ولا ليش الافينوز زحمة؟!!
عاد تكفه شور مسوينه جنه غرفة ليييش؟ بروحه اهني ذابحينه بحملة ترشيد فليمتا الواحد بيخيس بالدش على مايخلص الفيلم اللي يشوفه و يسمع الاغنية اللي يبيها؟؟
ماشالله عليك اليوم المفتوح مفروض تسميه يوم الافتراس
عسى شبعت بس :)
بالعافيه عليك واذا بتاخذ شور احجزلي الثاني :)
شنو يعني كاست هذا مالكم
خو فهم العياييز اللي مثلي
وبعدين شنو هاليوم المفتوح مالك
المفروض كنت توقف عقب الايسكريم الاول
بس عليك بالف عافيه
واهم شي الشور اللي فيه كل شي
viva.com.kw
احجز رقمك من فيفا بسرعة
وإذا حصلت رقم حلو قولي
لووووووووول <<<< هذي لولتي
حبيبي مو معقوله انت شهالتناقض تسوي رجيم شهر كامل وملتزم وحالتك حاله اخر شي تكسر فيه بيوم واحد من الشهر
المفروض تغير القانون هذا الي بالدستور مالك لانه غلط
التعديل : تاكل اكله وحده ممنوعه مع حلو او ايس كريم
ولا تنسى الرياضه تزيدها نص ساعه بهاليوم
ايش ذا البوست اللذيذ بس صراحة مره خربتها شكلك تستغني عن التقويم في اليوم المفتووح :P
يعني انا اطلع من مدونتك يامشتهية اكل ولا الضحكة شاقة وجهي لوووول
على فكرة ابغى انا كمان روبوت مايزعل وما يقوول لا واي شئ اقولو عسل على قلبو محتاجه ضروري ضروري @_@
اما ذا بيوتفل لازم توديه بيطري نفساني حراام بس بالدس عن الفضايح ؛P
ولو سمحت نبغى بوس كاست بدون بوس ولا قوول قبلها قف هنا بوسه لووووووول
لوول واخيرا وصل اليوم المفتوح
انا طبعا كل يوم عندي يوم مفتوح ما عندي اي مشاكل
بس هذا بريد مال العديليه يبلي اطل عليه شكله يمي
ههههههههههههههههههههه
يا حسآفة التعب لي راح في الحمية في الايام لي طافت <-- قامت تحكي كويتي لوووووووولز
جان اكتفيت بالبوضة والدونات .. مو جذي قلبت الحمية فوت تحت ^_*
جعله هني وعافية على قلبك اخوي ..
وتبي الصدق .. انا كل ما صار مزاجي مو شي اجي هنا يتعدل مزاجي ويصير شي ..
الله يسعدك خيووو .. تحيتي
تشـــــــــاوز
KuWaIt MaStEr يقول...
> يومك يوم سعيد
> ومبروك على البوس كاسيت
> عاد البيتزا مالت قيصر مو صج طعمها عجييب
> شتسوي فيهم ماسك بريدين مايذوبون عليك وله شلون تاكلهم
> احلى شي سووق الحمام وناااسه
> اكيد امس الافنيوز كان خفايف
> بالصين في من هالشور اشكال و ارناق جربته شي طيب هذا
> عاد ما شريت اله من كرسبي دونت جان شريت لك من بيت الدونات الي بالجمعيةو يبته
> معاك الافنيوز و اكلته شرط حسابك مايوصل 500
> وصج ماشاء الله في ناس اسلوبهم بايخ كله معصبين وبس
---
الله يبارك فيك :)
افا عليك ما يمديييهم يمووعوون p;
بيت الدونات ماجربته p:
وتحيّاT
Enter-Q8 يقول...
> ابي شنو هاليوم هذا مو مفتوح هذا شهر ما شاء الله عليك شكلك ما تطلع من البيت و
> تطلع حرتك فيه
---
الله يسلمك هذا اليوم تحل فيه المحرمااااات
هههههههههههه
استغفر الله
لا بس صج، عادةً اسوي اليوم المفتوح مره بالاسبوع بس شفت انه يعفس لي الاسبوع كله، بس يوم بالشهر يطووف :)
وتحيّاT
BenT BonD تقول...
> هههههههههههههههههه
> اكو شي ماسويته وماكليته؟!!!! ماشاء الله عليك عيني عليك باردة
> عاد يالبخيل اشحقه ماتعزم احد يشاركك بالاكل هذا كله
> بس شكله كل اللي نزلته خلال الاسبوعين مادري جم رد مرة ثانية
> بيزا قيصر ايابااااااااااااه يبيله والله
> برد العديلية ابيييييييييي من زمان مو ماكلة منه
> والحين شنو الناس عيالهم ماعندهم امتحانات عشان يدرسون؟؟ ولا ليش الافينوز
> زحمة؟!!
---
هههههههههههههههههه
خلاص انا عازمج على احسابج p;
لا تحاتين كل الي كليته تبخر بالحمام D:
مو الجسم استغرب من كل هالحلو p;
وتحيّاT
pink تقول...
> ماشالله عليك اليوم المفتوح مفروض تسميه يوم الافتراس
> عسى شبعت بس :)
> بالعافيه عليك واذا بتاخذ شور احجزلي الثاني :)
---
الله يعافييييج
ماكو الا شاور واحد!
ماكو الا انا نتقاسمه p;
انا اخذ الكبينه وانتي اخذي الراديو والتلفون D:
وتحيّاT
Sn3a تقول...
> شنو يعني كاست هذا مالكم
> خو فهم العياييز اللي مثلي
> وبعدين شنو هاليوم المفتوح مالك
> المفروض كنت توقف عقب الايسكريم الاول
> بس عليك بالف عافيه
> واهم شي الشور اللي فيه كل شي
---
سكتي سكتي لحد يسمعج p;
اذا انتي عيووز عيل انا شطلع D:
البوس كاست هو البوست الصوتي مالي اذا تحبين تسمعين سوالفي (;
يوم واحد بالشهر ما يضر p;
والشاور باخذه وبأجره
السبحه بدينارين ونص
وتحيّاT
ABDULLAH يقول...
> لووووووووول <<<< هذي لولتي
> حبيبي مو معقوله انت شهالتناقض تسوي رجيم شهر كامل وملتزم وحالتك حاله اخر شي
> تكسر فيه بيوم واحد من الشهر
> المفروض تغير القانون هذا الي بالدستور مالك لانه غلط
> التعديل : تاكل اكله وحده ممنوعه مع حلو او ايس كريم
> ولا تنسى الرياضه تزيدها نص ساعه بهاليوم
---
الله لا يحرمني من لولتك (:
انا كنت اسويه مره بالاسبوع بس صج كان ينعفس الاسبوع
بس يوم بالشهر ما يأثر
اصلا اعتقد انها حدها مفيده الحركه علشان الجسم يقدر قيمه الاكل السنع
عاد ثاني يوم ضليت شبعان لي اخر اليوم
وحيالله اخوي عبدالله (:
وتحيّاT
Jewel تقول...
> ايش ذا البوست اللذيذ بس صراحة مره خربتها شكلك تستغني عن التقويم في اليوم
> المفتووح :P
> يعني انا اطلع من مدونتك يامشتهية اكل ولا الضحكة شاقة وجهي لوووول
> على فكرة ابغى انا كمان روبوت مايزعل وما يقوول لا واي شئ اقولو عسل على قلبو
> محتاجه ضروري ضروري @_@
> اما ذا بيوتفل لازم توديه بيطري نفساني حراام بس بالدس عن الفضايح ؛P
> ولو سمحت نبغى بوس كاست بدون بوس ولا قوول قبلها قف هنا بوسه لووووووول
---
كشفتي الحركه ههههههههههه
التقوييم اخذ اجااااازه D:
حسافه الروبوت هذا بس بالاحلام " او بالانترنت p; "
ذا بيوتيفل راح اخلي سبيله علشان يشوفله احد يحبه
البوس كاست من غير بوس ما يصير بوس كاست p;
وتحيّاT
Ducati يقول...
> لوول واخيرا وصل اليوم المفتوح
> انا طبعا كل يوم عندي يوم مفتوح ما عندي اي مشاكل
> بس هذا بريد مال العديليه يبلي اطل عليه شكله يمي
---
تصدق عاد ماكنت ناطره
وكنت بسكب الحركه بس قلت يالله بالمره اسويلي بوست عن السالفه p;
جربه وادعييييلي ، بس اذا متنت مووو تقوووول انا D:
وتحيّاT
ღ White Rose ღ تقول...
> ههههههههههههههههههههه
> يا حسآفة التعب لي راح في الحمية في الايام لي طافت <-- قامت تحكي كويتي
> لوووووووولز
> جان اكتفيت بالبوضة والدونات .. مو جذي قلبت الحمية فوت تحت ^_*
> جعله هني وعافية على قلبك اخوي ..
> وتبي الصدق .. انا كل ما صار مزاجي مو شي اجي هنا يتعدل مزاجي ويصير شي ..
> الله يسعدك خيووو .. تحيتي
> تشـــــــــاوز
---
والله تعرفييين كويتي!
وين تعرفتي عليه؟ p;
الله يعافيج (:
الله يسعد مزاجچ يا رب على طوووول
تشاو تشاو بالحليب p;
وتحيّاT
لوووووووول
مو صج البوست عجيب
هههههههههههه حسبي يالله على ابليسك
خلاص خلاص على احسابي على احسابي دام انه ليلحين ماخلص المعاش هههه
ههههههههههههاااااااااي
حلوة منك يا فنفن
الا تحط الشاور في غرفة النوووم عشان اذا تزوجت تشوف منظر حلو هههههههههههههههههه
مشكور غيرتلي مود اليوم
ميرسي يا مان
وعليك بالعافية بيتزا قيصر
شكلي متعشي عندهم بكرة باذن الله
تحياتي
why me تقول...
> لوووووووول
>
> مو صج البوست عجيب
---
انتي عجيبه :)
وتحيّاT
BenT BonD تقول...
> هههههههههههه حسبي يالله على ابليسك
> خلاص خلاص على احسابي على احسابي دام انه ليلحين ماخلص المعاش هههه
---
يالله متى؟ p;
بسرعه بسرعه قبل لا يخلص المعااااش p;
وتحيّاT
. . . ساخر كويتي يقول...
> ههههههههههههاااااااااي
> حلوة منك يا فنفن
> الا تحط الشاور في غرفة النوووم عشان اذا تزوجت تشوف منظر حلو
> هههههههههههههههههه
> مشكور غيرتلي مود اليوم
> ميرسي يا مان
> وعليك بالعافية بيتزا قيصر
> شكلي متعشي عندهم بكرة باذن الله
> تحياتي
---
الله يستر عاد منظر حلو أو يخرع اذا انتفخت المره D;
الله يسعدك دوم يارب (:
لا تذكرني بالبيتزا تكفه رجيييييييم p;
وتحيّاT
هههههههههه عاد اليوم رايحة معشية الوالدة
ومابقى الا القليل من المعاش فلحق لا تلحق قبل مايروح دورك هههههه
اوووووووه عندك مدونتين
عطنا الرابط لاهنت
إرسال تعليق
تعليقك يهمني، بس تكفه لا تكسر مياديفي :)