السبت، 11 أكتوبر 2008

ڤيڤا زلاطة!!


يتني مسج تقول "اقرأ في النهار غدا الأحد اصدار 600 ليلة وليلة عن ازمة الكويت مع ڤيڤا!!" ما يندرى شالسالفة!!!
(تحديث: طلعت فيفا مالت الكرة مو ڤيڤا مالت الاتصالات)

المهم طافكم الستيك، ماصورته بصراحة نفسي الدنيئة منعتني(من اليوع)

فصبروا نفسكم بصحن هالزلاطه هذا، والمرة الياية اظبطكم "بصورة" ستيك تلحسون الماوس وراها

بالنسبة حق الرجيم طلعت مو تكانه!

فقررت اني أتكن(ز) ،، تعرفون رجيم اتكنز؟

الي ما يعرف اتكنز هذا هو الي باق الطريقة مالت دشتي وسجلها بأسمه p;

بس وناسة كله ستيكات وفيليهات وعجات يعني كله بالآت
هم بعد فيه جبنات وزيتونات،، يعني يصلح حق الزلمات p:

©©©

اليوم رحت ممشى مشرف حسب الدسطور مالي!

تمشون؟..

اذا تروحون ممشى مشرف شوفوا اذا مرت يمكم عربانة برد مافيها تواير وعليها هيدفون، هذا انا ترى!

لحد يقول عطني بريد؟ ماع! تحلل في بطني!

©©©


اول ما وصلت لقيت الليتات شابة!
قلت الله اخيرا شبوا الليتات (:
العادة الواحد يمشي بالليل چنه يمشي ببلاك فورست!!! استغفر الله!!
لازم اييب طاري الكيك p:
المهم لاحظت انهم شابين بس اول چم ليت، مع انه اول الممشى منور بدونها!
لي متى بنظل بهالظلمة، مادري!



خوش وانا امشي اكتشفت(المحقق كونان) انهم حاطين عواميد على شكل حرف L مقلوب مادري شحقة؟!!
ولازم اعقدها خو قول رقم ستة!
يمكن يبون يعلقون فيها سلال فواكه حق الي يمشون!
اييييه ما يقصروون p;


بس ودي اعرف منو الشاذي اللي متعلق بهذي وعاويها!

هناك 25 تعليقًا:

why me يقول...

لووووووووول


اول شي احسب حسابي ابي سلطه



وبعدي انت شنو طايح له تمشي وتصور لووووووووووووول





شنو يصير لك المحقق كونان ؟؟

BenTBonD يقول...

هههههههههه خوش رجيم هذا
لااا لااا امبين عليك انك قدها وقدود وراعي عزيمة
اهم شي انك قدرت تمشي وتتحرك
ترى المشي حلو منها تسوي رياضة ومنها تتطمش هههههه

وعليك بالعافية بالستيك والزلاطة
ذكرتني بأمي كله تقول زلاطة وانا اقولها فشلتينا يسمونها سلطة مو زلاطة

kAiKa-MGroMa يقول...

تخيلت اللي عاوي حرف ال L "ساسوكي"

واسمه جراغ عشان يبي يغير ملامح

الحرف الى J عشان يصير حرف اسمه ..

وشكل السلطه بروحها يشوق ما كان له

داعي تاكل ستيك واشيا دسمه تغث القلب

D=.

mo3ath يقول...

دستورك صارم الله يهديك

انا اطالب نعدل عليه :q

بالعافيه عليك السلطه :q

انا معاك بس بدستوري الخاص طبعا D:

ZooZ "3grbgr" يقول...

عليك بالعافيه
عاش التصوير الكشخه
مستر نايكوني
ما احب الاتكنز
سويته يوم الا ربع
ماكو عيش ((مع اني ما آكله))
ماكو خبز
ماكو باستا
ماكو فواكه
ماكو شكر
ماكو ملح
ماكو عصير
ماكو بيبسي
ماكو برد

مو هذا كل اللي آكله!!!!
أهم شي بس آكل لحم ودياي شالسالفة
اختي سوته كنت اضحك عليها
تاكل برجر وتحط فوقه مايونيز وتلفه بخس ewwwwwwwwwww

وممشى مشرف يخرع
مشيت فيه مره كانت الدنيا برد وناسه بس اكتشفت اني كل نص كيلو اشوف زول آدمي رعــــب

اذا تروحون ممشى مشرف شوفوا اذا مرت يمكم عربانة برد مافيها تواير وعليها هيدفون، هذا انا ترى!


لوووووووووووووول
ههههههههههههههههه
توني افهم
لو انت عربانه برد
جان والله الحين احبك
خصوصا اذا ميهان سالار فواكه
ولا موريليز ايتاليا

صبا يقول...

ضحكتني الله يغربل بليسك

والله حتي ابليسك مسكين ..ميننه:))

السلطه اتشوق

واموت علي الستيك


والايسكريم نقطة ضعفي صيف وشتا
وكل الي ذكرته احبه

متي تعزمني :))

لاتخاف انا بدفع :PPP

تحياتي

JuVeNTiNa يقول...

بالعاااااااااافيه ..

عاد اشكثر حاط في بالك تبي تضغف ؟

. . . ساخر كويتي يقول...

تبي ريجيم على نار هادية
العب رياضة بانتظام واكل اللي تحبه

انا انصحك وخايرها من صوبي فلياقتي رايحة فيها هاليومين

ويبيلي العودة للممشى ،،، الا تعال عواميد حرف L المقصود منها وضع رشاش ماي يبرد على رواد الممشى نفس اللي يرشونه في بعض القهاوي

تحياتي

Funny Q8i يقول...

why me

لچ سلطه من نوع آخر ;)

مو انا المحقق كونان فلازم اصور :)

==============

sham7o6a

حاضرين، احسن من بوميتين، لو احطلي طباخة اوفرلي P:

الممشى ما يحلى الا بالحلوات اللي مثلچ

تماشيا مع الوضع الراهن صار اسمها زلاطه مره ثانية p;

===============

kaika-mgroma

انتي وييين من زمان غاطه، انا قلت يمكن احد كمّل عليج ولا جنه باقي فيج قرمه بعد ههههه

الستيك كان حده خفيف يبيلج تجربين ستيكاتي p;

==============

mo3ath

ان شاء الله بفتح مجلس امه خاص حق رجيمي وننقاش الموضوع

دستورك يا سيدي الطشطوووشييي لووووووول

Funny Q8i يقول...

ZooZ

اذا هذا كل اللي تاكلينه لا بالله ضعفتي p:

ممشى مشرف وما ادراك ما ممشى مشرف، عجوز مخرف p; خليها على الله

لا تحاولين تشهيني بالبرد، انا خلاص اشهرت اسلامي p;

===============

صبا

ابليسي قدم استقالته من زمان، وقاعد يدور وظيفه ليلحينه

لا بعد اسوي "سلطت ستيك"، قريبا بتشوفونها ;)

عزومتج مقبولة، بس اول اثنين من اللشهر ;)

===============

juventina

الله يعافيچ يا ربي

كثر ما الله بيقدرني :)

=============

ساخر كويتي

كلام صحيح، بس ما ينزل وزن، انا عافس الدنيا من قطعت الرياضة

ان شاء الله بعد ما ارد لياقتي بشوف شنو الوضع

اي لاحظت، بس لو ما يشغلونه بيصير حاله حال الليتات الطافية p;


وتحيّاT للكل (:

Funny Q8i يقول...

على طاري مجلس امه حق دستوري منو بيرشح نفسه؟؟؟ p:

ZooZ "3grbgr" يقول...

انا
:">

why me يقول...

ةانا بعد


:))



شنو نوع السلطه اللي مخصوصه لي؟


;p

Funny Q8i يقول...

ZooZ

تنتخبوا مييين زوووز ، وحبيبكم ميين زوووز

ها وين عيل موقعچ الانتخابي وشنو خطتچ؟ p;

===================

why me

مقادير سلطتچ عبارة عن:

قطعتين من الاخلاص

وشده من الذوق

وحبة من الحنان

وعصرة من الدلال

ورشة من الغيرة

وملعقتين من الهيام

وكوب من خفة الظل

يقطعون ويخلطون بصلصة الحب

وبالهنا والعرس نشوفچ مع من تحبين :)

چني بعتها لوووووووووووول

ZooZ "3grbgr" يقول...

نظرا لكثرة الطلبات على برنامجي الانتخابي أعلن هنا بأن منهجي سيكون تطبيق دستور فنفن على من يرغب الناخبين ومن يرغب ممن لا يحق له الانتخاب.

ولذا يسعدني استقبالكم في مقري الانتخابي الواقع بجانب سينما الفردوس بالخلف من سينما الحمراء وبحضوركم يتم الفرح والسرور


ملاحظه:

سيتم افتتاح فرع دائم من آيس كريم موريليز ايتاليانو للناخبين الكرام لحين الانتخاب ولحين تطبيق دستور فنفن، وسيقص الشريط غداً مساءاً بحضور كل من فنفن وريكي مارتين.


مرشحتكم

زووز

joe يقول...

همن انته شكلك متحالف مع kuwait
حاطين لكم دساطير

شالله حادك ماتاكل يقولك اكل و امش بس لاتاكل زياده عن اللزوم سولك جدوول ترتب فيه اكلك اليومي
شكلي بصير لك دشتي الي يحطونه في تو الليل
احس ممشى المرينا و المركز احلى و اشرح
شالفايده من القاري بدون تاير
عقر بقر :::
انا يحق لي الانتخاب وله لأ لانه انا اشتغل بالسلك العسكري

Funny Q8i يقول...

ZooZ

مقرج الانتخابي يم مغل محل، شنو عازمتنا؟

ايتاليااااانو ايييييييي!!

من الحين بديتي بشراء الاصوات الانتخابية

عيل ابشري بتفوزين وباكتساح كبير

ريكي مارتن شكو؟ قولي عبدالكريم، نبيل، فريد الاطرش

Funny Q8i يقول...

kuwait master

انا ابي اضعف مو اثبت وزني!

اسئل مجرب :)

وين ممشى المركز؟

وشنو القاري الي تقول عنه؟

3bady يقول...

عاد ينفع المشي بالممشى على هالرطوبة علشان اتذوب :P

Kuwait يقول...

تبي تضعف ؟
انا قطيت 5 بس الاسبوع الي طاف :)
وصلت للوزن الأوكي لي الحين ..
كل الي سويته ان حذفت وجبة الغدا وخليت العشا الساعه 6 ونص أو 7 ..
ويكون شي خفيف وبس تضعف مع سبق الإصرار والترصد ;q

malak يقول...

اي ترشيد ترشيد


بالعافيه


خلك عالرياضه و اشرب ماي وايد

و ان شاء الله تضعف:)

Sn3a يقول...

عاد كل يوم بقول بروح الممشى
كله مالي خلق اتعيز اتحرك


رجيم اتكنز يضعف
بس خالتي مرضت منه اهيا وخالي

حسب الدم والانسان نفسه

joe يقول...

حوار بين كويت ماستر و فني
فني :وين ممشى المركز؟
كويت ماستر :انا قصدي الممشى من المركز العلمي لي المرينا

فني :وشنو القاري الي تقول عنه؟
الي انته تقول عنها عربانة البرد بدون تاير

J o u j a™ يقول...

God 2day most of the posts I've seen are about food and i am really starving :( and i dunno what to eat ,, plz people give me a break ;p

3awafi 3ashan ma tgool jouja 9aktni 3ain ;p

ShaymoOona يقول...

انا جربت رجيم دشتي والله عجيب 7 بشهر ونص بدون رياضه ...هالممشى ماراح احطون فيه ليتات كلش :(

إرسال تعليق

تعليقك يهمني، بس تكفه لا تكسر مياديفي :)