الأربعاء، 8 أكتوبر 2008

الله يرحم ايام السبعينات!!


مع اني كنت من سكان كوكب الدببة(تذكرون الدببه الحنونة؟) ولمدة طويلة من عمري، الا اني هاجرت منه سنه 2001، طبعا كنت اطل عليه من وقت لي وقت ، بس من بعيد لي بعيد.

وبهالسنه قلت خلني ارمّض في هذا الكوكب المتروس بجميع انواع المغريات من الكيك والحلو والبرد، ناهيك عن البيتزا والمعجنات والعصاير، ولا ننسى العيوش والمحاشي بشتى اصنافها، هااا يعتوا ؟

طبعاً كنت في السبعينات والحين طفت الثمانينات، وراح اوصل الالفينات، بس قلت الحق على عمري واشوفلي مركبة تشيلني من هالكوكب قبل لا تخرب السالفة موليّة!
 
اليوم قررت اني اغادر هذا الكوكب واتوجه الى كوكب اللياقة، مابي اقول الرشاقة لأنه شكلها وايد بناتي!، وحبيت اني اهديكم وصفتي الخاصة مالت هاجن داز ، مع اني صارلي مدة غايب عنه قلت اليوم بختمها عليه، طبعا اكتشفت انهم مغيرين المنيو وزايدين الاسعار، حالهم حال غيرهم!!  فأنا قلت أحسن علشان يسهلون السافة علي.

المهم الوصفة كالتالي:

3 Scoops
Cookie'n Cream
Strawberries'n Cream
Pearliness' Cream
milk chocolate , hazel nut, whip cream
تحذير فني: هذي الوصفة راح تزيد وزنك عالاقل نص كيلو، مو تقولون ما قلت!!

والحين منو راح ينضم معاي في هذى الرحلة؟
تحديث : المقصود بالرحلة هو الرحلة خارج كوكب الدببة، مو عزومة على البرد! لوووووول

هناك 15 تعليقًا:

غير معرف يقول...

LOOOOOOL

الدببه الحنونة D:

انت من وين اطلّع هالأشياء ؟


LOOL

هاجن داز
عجيب
بس وصفتك شكلها ثقيله !!

Hot chocolate و ايس كريم؟
قوية p:

أنضم اذا كنت معزومه، أما اذا انا راح ادفع اتوقع يومها راح اكون مشغوله p;

joe يقول...

ذكرتني على ايام سبيس توون
لمن يتكلم ذاك الريال الي صوته يخرع
والله انا حاط في بالي كذا مطعم اروح له باااجر محتار
ابجم طلع علليك ؟ لحساب

غير معرف يقول...

hmmm i'm not a big fan for the ice-cream but wheneva the food is free i found it tasty .. so ya i'm with ya if it was on ur charge ;p

3bady يقول...

جلاتينو يبيع بريد دايت :P

mo3ath يقول...

بما اني معلق بكوكب القرده الي قلت عنه ومولاقي مركبه تشيلني انا بعد فراح ابتعد عن خلطاتك :)

ولو ان شكلها حلوه بس خلني امشي على نظامي وايد ابرك وبعدين ارجع لك :)

نقول السنه اليايه ان شالله :q

Funny Q8i يقول...

mai

من شريط صغير (betamax)

خلاص يبه راح عليچ اخر واحد، لأني بطير من كوكب الدببه ومغرياته!

يعني خلاص بوستات بريد مااااكو لووووول

===========

kuwait master

سبيس توون لووووول ما لحقت عليه!
الكلاب مغلينه صار الحين حسب وصفتي 3.300 kd

===========

monaya

Too bad I won't see any more ice cream for a long long time :P
I won't see it hear about it, or know that it exist.

===========

3bady

بريد دايت حق اللي ضعف وخلص :)

يمكن 2009

===========

mo3ath

كوكب الدببة! لوووووووول

نعم يا بني خللك نظامي احسن لك.

السنه الياية بعزمك بس هاااا شرط تكون نازل عشرة كيلو عالاقل ;)

swan.beach يقول...

يالبتمبه شنو هذاا
شنو بقى ما حطيته
ضيف عليه سترابوري شيز كيك وانضم وياك بالقائمه بس مو قائمة المتان
دور لي قائمة اخرى P:

Funny Q8i يقول...

swan.beach

لوووووووووووووول

انا البوتمبة يا ام سلطة تمتّن! هههههه

خلاص السنة الياية بعد الرجيم، مو انا رجيمي كورسات مثل الجامعة وانا ناوي انجح بكل المواد p:

swan.beach يقول...

:"(

لا تذكرني بالجامعه كاني قاعده احووس على ابحاااثي
بعدين انا ام سلطه تمتن
بناتي مو انا هم الي شروو وحااسو المختبر
انا بس اتطمش عليهم واصور

. . . ساخر كويتي يقول...

شوف عاد انا الحين ميت من اليوع
واخر يوم لي من صيام الست من شوال

وحاطلي هالقطعة العجيبة من البرد
ياااااااو

شكلي باكل الشاشة من وراها
مو اصابعي بس خخخخخ

بالعافية يا الغالي
وتحياتي

7osen يقول...

انا ماراح انضم

تدري ليش
اكيد تدري

:)

اخاف من هالنص

عاد لذيذ

ماعندك وصفة دايت ؟

:)

Funny Q8i يقول...

ساخر كويتي

شكلك الفطور اليوم بهاجن داز عيل لوووووووول

تقبل الله طاعتك

===========

7osen

المشكلة مو من النص، المشكلة لما تدمن عليه مثلي وتروح كل يوم وعليك الحساب!

يعني اسبوعي بتزيد ٧ كيلو p;

برد الدايت اييب غازات، إلا اذا اكلت شوية، ومشكلتي لازم ادبه، تقول عيش مو برد p:

Funny Q8i يقول...

swan.beach

انتي بس حطي هالبريد جدامچ وراح تنسي الجامعة وابو يد الابحاث لوووووووول

غير معرف يقول...

حده يبيله اشووووووووووق البرد ابيي انضم وياك وخل الدايت اولي..

بالعافية عليك

BenTBonD يقول...

ماشـــــاء الله عليك
والله انت تنفع حق المطاعم وهالسوالف لانك راح تطلع قيمة الاكل اللي تطلبه هههههههه
عليك بالعافية
وحلاته البرد كله كاكاو وفانيليا وقهوة وكراميل وفوقه كاكاو سايح حااار ويا سلاااااام

وانا كلش مو صوب الرجيم لاني مااعترف بالرجيم والضعف
وان شاء الله تضعف لي الوزن اللي تبيه

إرسال تعليق

تعليقك يهمني، بس تكفه لا تكسر مياديفي :)